ცნობილი ქართველი მსახიობი ეკა ჩავლეიშვილი საიმონ ვუდსის ახალ ფილმში The Worst მიიღებს მონაწილეობას და ერთ-ერთ საკვანძო როლს შეასრულებს. პროექტის გადაღებები სამხრეთ საფრანგეთში უკვე მიმდინარეობს.

ფილმის კასტინგის რეჟისორი, დიქსი ჩესი, ეკა ჩავლეიშვილმა ჯერ კიდევ 2024 წელს, კინოდაჯილდოება ელისოს ჟიურიში ყოფნისას გაიცნო, რამაც მსახიობს ამ მასშტაბური პროექტისკენ გზა გაუხსნა.

დიქსი ჩესი ეკა ჩავლეიშვილთან ერთად 2024 წელს, კინოდაჯილდოება ელისო.

ფოტო: AT

ფოტო: AT

მსახიობ ნატალია ჯუღელის თქმით, კინოდაჯილდოება ელისოს ჟიური შემთხვევითი არასდროსაა და 2024 წელს ერთ-ერთი პირველი, ვინც გუნდს შემოუერთდა, სწორედ დიქსი ჩესი იყო. აღმოჩნდა, რომ კასტინგის რეჟისორს ქართველი მსახიობების აღმოჩენა სურდა, რაც ასეც მოხდა.

ფოტო: AT

ახალ ფილმში ქართველი მსახიობი ვარსკვლავურ გუნდთან ერთად ითამაშებს. პროექტში ეკასთან ერთად ჰოლივუდის ისეთი ცნობილი მსახიობები მონაწილეობენ, როგორებიც კირა ნაითლი, ალისია ვიკანდერი, ტომ ჰოლანდერი, სემ კლაფლინი, შიან კლიფორდი და ანა მაქსველ მარტინი არიან.

ეკა ჩავლეიშვილი ფართო საზოგადოებამ ფილმიდან შაშვი შაშვი მაყვალი გაიცნო, რომელიც თამთა მელაშვილის ცნობილი წიგნის ეკრანიზაციაა. სწორედ ამ ფილმში, ეთეროს როლის შესრულებისთვის, ეკას საუკეთესო მსახიობის ჯილდო გადაეცა.