VK ჯგუფის აპლიკაციები რუსული App Store-დან გაქრა, მათ შორის სოციალური ქსელი VK, VK Music, VK Messenger და VK Video. Apple-მა App Store-დან ასევე ამოიღო Mail.ru, Odnoklassniki და Zen.

VK-ს პრესსამსახურმა განუცხადა Forbes-ს, რომ ჯგუფის აპლიკაციები Apple-მა გაფრთხილების გარეშე წაშალა. რუსული მედია წერს, რომ VK არ ყოფილა სანქცირებული. თავისი ქმედებებით, Apple ზღუდავს რუსი მომხმარებლების წვდომას პოპულარულ სერვისებზე, რომლებსაც ყოველდღიურად ათობით მილიონი მომხმარებელი ჰყავდა.

"ჩვენ მიგვაჩნია, რომ Apple-ის ეს ქმედებები რუსი მომხმარებლების მიმართ არის ა მიუღებელი", — აცხადებს VK.

კომპანიამ დაამატა, რომ ჯგუფის ყველა აპლიკაცია, რომელიც ადრე იყო დაინსტალირებული სმარტფონებსა და Apple მოწყობილობებზე, გააგრძელებს მუშაობას. VK აპლიკაციები Android-ის მომხმარებლებისთვის სრულად ხელმისაწვდომია.

ივნისის დასაწყისში, მესინჯერის აპლიკაცია Max წაშალეს App Store-დან.