ომის დაწყებიდან რუსებმა უკრაინაში 211 სკოლა გაანადგურეს ან დააზიანეს. ინფორმაციას Unian უკრაინის განათლებისა და მეცნიერების მინისტრზე, სერგეი შკარლეტზე დაყრდნობით ავრცელებს.

"საშინელი სიტუაციაა, საშინელი სტატისტიკა. დღეს ვხედავთ, რომ ყოველდღე მეტი და მეტი დანგრეული ან განადგურებული სკოლა გვაქვს. დღეს 211 სკოლაა, რომელიც ან სრულიად განადგურებულია, ან დაზიანებული", — განაცხადა მან.

მინისტრმა აღნიშნა, რომ რუსეთის შეჭრის შემდეგ, უკრაინის სკოლებში 2-კვირიანი არდადეგები გამოცხადდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში