საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო დევნილებისთვის მცხეთაში ორი ათსართულიანი კორპუსის ასაშენებლად ტენდერს აცხადებს. სატენდერო პირობების მიზედვით, სულ 120 ბინა უნდა აშენდეს. ტენდერი, რომელიც 19 აპრილს გამოცხადდა, შესყიდვის სავარაუდო ღირებულება 7 008 802 ლარია.

სატენდერო დოკუმენტაციის მიხედვით, სამუშაოების დასრულების ვადა არ უნდა აღემატებოდეს, შესაბამისი შესყიდვის ხელშეკრულების გაფორმებიდან 450 კალენდარულ დღემდე პერიოდს. განაცხადების მიღება 6 მაისს დაიწყება და 11 მაისამდე გაგრძელდება.