საერთაშორისო გამჭვირვალობა - საქართველომ რუსული პროპაგანდის წინააღმდეგ საბრძოლველად საკანონმდებლო წინადადებების პაკეტი შეიმუშავა. ორგანიზაციამ საკანონმდებლო წინადადება პარლამენტს დღეს, 20 აპრილს წარუდგინა.

კანონპროექტის მიზანია, აიკრძალოს წინასაარჩევნო აგიტაცია, მათ შორის რეკლამის გადაცემა, რომელიც შეიცავს რუსეთის ფედერაციის მიერ საქართველოს ტერიტორიულ მთლიანობისა და კონსტიტუციური წყობის, ქვეყნის დამოუკიდებლობისა და სუვერენიტეტის დარღვევის ან/და ოკუპაციის ლეგიტიმაციის საფრთხეს.

"აღნიშნული ნორმის მიზანია რუსეთის მიერ გამოყენებული პირდაპირი და ირიბი გავლენის მეთოდების ნეიტრალიზება, რომლის მეშვეობითაც, რუსეთი ცდილობს შეცვალოს ქვეყნის განვითარების დასავლური კურსი და გავლენა მოახდინოს საქართველოში არსებულ პოლიტიკურ გარემოზე," - აღნიშნავენ საერთაშორისო გამჭვირვალობაში.

საკანონდებლო წინადადებით გათვალისწინებულია "მაუწყებლობის შესახებ“, „საარჩევნო კოდექსში“, „მოქალაქეთა პოლიტიკური გაერთიანებების შესახებ“ და „საქართველოს საკონსტიტუციო სასამართლოს შესახებ“კანონებში ცვლილებების შესვლა.

საკანონმდებლო პაკეტი სრულად იხილეთ ბმულზე.