კანადა დიდი შვიდეულის ქვეყნებს შორის იქნება პირველი, ვინც რუსეთიდან ნავთობის იმპორტს აკრძალავს. ამის შესახებ პრემიერმინისტრმა, ჯასტინ ტრუდომ განაცხადა. მისი თქმით, ამ ინდუსტრიამ "პუტინსა და მის ოლიგარქებს დიდი სარგებელი მოუტანა".

ამასთან, ტრუდომ აღნიშნა, რომ უკრაინელი მებრძოლებისთვის ტანკსაწინააღმდეგო იარაღსა და საბრძოლო მასალას გაგზავნიან.

კანადის ნავთობის მწარმოებელთა ასოციაციის თანახმად, რუსეთიდან ქვეყანაში დაახლოებით 550 მილიონი დოლარის ნავთობის იმპორტი ხორციელდებოდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში