ამერიკელი სენატორი ჯინ შაჰინი და რესპუბლიკელი კონგრესმენი ჯო უილსონი ტელეკომპანია "ფორმულას" ჟურნალისტის, ვახო სანაიას დაკავებას ეხმაურებიან.

სენატორი შაჰინი X-ზე წერს, რომ "საქართველოს ხელისუფლების ზიზღი განსხვავებული აზრის მიმართ მისი დემოკრატიული უკუსვლის კიდევ ერთი ნიშანია".

"გამოხატვის თავისუფლება მოქმედი დემოკრატიის ფუნდამენტური საფუძველია. საქართველოს ხელისუფლების ზიზღი განსხვავებული აზრის მიმართ მისი დემოკრატიული უკუსვლის კიდევ ერთი ნიშანია. მოვუწოდებ საქართველოს ხელისუფლებას, გაათავისუფლოს ვახო სანაია და ათობით სხვა პოლიტიკური პატიმარი," — წერს სენატორი.

კონგრესმენმა ჯო უილსონმა ქართულ ოცნებას კვლავ ანტიამერიკული რეჟიმისგან მართული უწოდა და ჟურნალისტის დაუყოვნებლივ გათავისუფლება მოითხოვა.

"ანტიამერიკული რეჟიმი ქართული ოცნების სახით კვლავ და კვლავ აძლიერებს იერიშს გამოხატვის თავისუფლებაზე! მოვითხოვ ვახო სანაიასა და ყველა პოლიტიკური პატიმრის დაუყოვნებლივ გათავისუფლებას. განხილვის პროცესშია ყველა შესაძლო ზომა!" — წერს იულსონი X-ზე.

შეგახსენებთ, სოციალურ ქსელში დაწერილი პოსტის გამო "ფორმულას" ჟურნალისტს, ვახო სანაიას 14-დღიანი პატიმრობა შეეფარდა. გადაწყვეტილება მოსამართლე ზვიად ცეკვავამ მიიღო. არც ვახო სანაია და არც მისი ადვოკატი პროცესს არ დასწრებიან.