ნაკლებად სავარაუდოა, 55 წლის რუს ოლიგარქსა და ჩელსის მფლობელს, რომან აბრამოვიჩს ოდესმე კიდევ მიეცეს ბრიტანეთში ცხოვრების შესაძლებლობა. გავრცელებული ცნობებით, საემიგრაციო მოხელეები ასრულებენ ინსტრუქციას, შეუძლებელი გახადონ დიდ ბრიტანეთში ცხოვრება აბრამოვიჩისთვის, რომელიც კენსიგტონის სასახლესთან 125 მილიონი ფუნტის ღირებულების ვილას ფლობს.

აბრამოვიჩის შემთხვევას შინაგან საქმეთა სამინისტროს სპეციალური საქმეების განყოფილება განიხილავს.

ყველაფერი მას შემდეგ დაიწყო, რაც სამშაბათს ბრიტანელმა პარლამენტარებმა, ალექსეი ნავალნიზე დაყრდნობით, რომან აბრამოვიჩი პუტინის "მიტაცების პოლიტიკის" მხარდამჭერი 35 ოლიგარქიდან ერთ-ერთ მნიშვნელოვან ფიგურად დაასახელეს.

აბრამოვიჩი კატეგორიულად უარყოფს კრემლთან სიახლოვეს და "რაიმე ისეთი ქმედების ჩადენას", რაც მას უკრაინაში მზარდი დაძაბულობის ფონზე ბრიტანული სანქციების ქვეშ მოაქცევს.

  • 2018 წელს რომან აბრამოვიჩი ისრაელის მოქალაქე გახდა, რამაც ბრიტანეთში მაქსიმუმ 6 თვის გატარების უფლება მისცა.
  • რომან აბრამოვიჩის ქონება 8.4 მილიარდ ფუნტს შეადგენს.
  • რომან აბრამოვიჩი არასდროს ყოფილა ბრიტანეთის მოქალაქე და ქონება რუსეთში, საბჭოთა კავშირის ნგრევისას დააგროვა.
  • სამშაბათს, ლიბერალ-დემოკრატმა დეპუტატმა ლეილა მორანმა პარლამენტში წაიკითხა სია, რომელშიც აბრამოვიჩი სხვა ოლიგარქებთან ერთად მოხვდა, მათ შორის იყო არსენალის ინვესტორიც, ალიშერ უსმანოვი.

საგარეო საქმეთა მინისტრმა, ლიზ ტრუსმა თავი შეიკავა მკაფიოდ ეთქვა, იქნება თუ არა აბრამოვიჩი სანქცირებულთა სიაში, თუმცა არ გამორიცხა, რომ სხვები იქნებიან.

"ჩვენ იმ ადამიანების გრძელი სია გვაქვს, ვინც რუსეთის ხელმძღვანელობის ქმედებებში თანამონაწილეობს" - თქვა მან.

“თუ რუსეთი არ დაიხევს უკან თავისი ჯარით, ჩვენ შეგვიძლია ტემპერატურის მატება, და მეტი ბანკის, ელიტის და კომპანიისთვის დამიზნება"

"ეს არის პუტინისთვის ტკივილის მიყენება, რუსული ეკომინიკის და პუტინის ახლო წრის მიზანში ამოღება. ჩვენ ეს, რაც შეიძლება, მტკივნეულად უნდა გავაკეთოთ"

პრემიერ-მინისტრმა ჯონსონმა გუშინ მოლაპარაკებები გამართა ქალაქის მაღალჩინოსნებთან, როგორ უნდა გამკაცრდეს სანქციები რუსულ ბიზნესებსა და კრემლთან კავშირში მყოფ პირებზე.

ჯონსონმა პარლამენტს უთხრა, რომ მთავრობა სანქციების შემდეგ ტალღას გეგმავს, რომელიც შეეხება "ყველა რუსულ ბანკს, ყველა ოლიგარქს, ყველა ინდივიდს, ვინც ფულს ბრიტანულ ბაზარზე შოულობს".

მინისტრები ასევე გეგმავენ, შეუწყვიტონ კრემლს სესხები ბრიტანული ფინანსური ბაზრიდან.