ამერიკის შეერთებული შტატების პრეზიდენტმა დონალდ ტრამპმა კვლავ განაცხადა, რომ BRICS-ის წევრი ქვეყნების იმპორტზე 10%-იან ტარიფს დააწესებს და თქვა, რომ BRICS "ძალიან სწრაფად დაასრულებს არსებობას", თუ ოდესმე რეალურად შეძლო ფორმირება. ამის შესახებ ინფორმაციას Reuters ავრცელებს.

"როდესაც BRICS-ის შესახებ გავიგე, მათ ძალიან მძიმედ დავარტყი. თუ ოდესმე რეალურად შეძლეს ფორმირება, ეს ჯგუფი მალე დაიშლება," — აღნიშნა ტრამპმა კონკრეტული ქვეყნების დასახელების გარეშე.

მან ასევე განაცხადა, რომ მიზნად აქვს დასახული დოლარის გლობალური სტატუსის შენარჩუნება. მან დაიფიცა, რომ ციფრული ცენტრალური ბანკის შექმნას ამერიკაში არ დაუშვებს.

ტრამპმა 6 ივლისს გამოაცხადა, რომ ახალი ტარიფები იმ ქვეყნებზე გავრცელდება, რომლებიც მისი თქმით, BRICS-ის "ანტიამერიკულ პოლიტიკას" უჭერენ მხარს.

ტრამპი ამტკიცებს, რომ BRICS-ის მიზანი აშშ-ისა და დოლარის დაზიანებაა — თუმცა ამაზე კონკრეტული მტკიცებულები არ არსებობს.

BRICS-ის ლიდერები ამ ბრალდებებს უარყოფენ. ბრაზილიამ თებერვალში უარი თქვა საერთო ვალუტის იდეაზე, თუმცა ჯგუფი მუშაობს BRICS Pay-ს შექმნაზე — გადახდების სისტემაზე, რომელიც ადგილობრივ ვალუტებს გამოიყენებს.

გასულ წელს ჯგუფს შეუერთდნენ ირანი და ინდონეზიაც. ბრაზილიაში გამართულ სამიტზე ლიდერებმა ირიბად გააკრიტიკეს აშშ-ის სამხედრო და სავაჭრო პოლიტიკა.

ტრამპმა ბრაზილიას კონკრეტულადაც დაუპირისპირდა — აგვისტოდან მისი იმპორტის ტარიფი 50%-მდე გაზარდა და ცალკე გამოძიებაც დაიწყო ბრაზილიის სავაჭრო პრაქტიკების წინააღმდეგ.