ევროკავშირმა თურქეთის მოქალაქეებისთვის შენგენის ზონაში შესასვლელი სამოქალაქო ვიზის პროცედურები გაამარტივა. ამის შესახებ ბლოკის ელჩმა პარასკევს, ანკარაში განაცხადა. ინფორმაციას Reuters ავრცელებს.

თურქები ევროკავშირის სავიზო სისტემას ათწლეულებია აპროტესტებენ. სავიზო სისტემასთან დაკავშირებული პროცედურები, ევროკავშირის თქმით, დიდი რაოდენობის მიმართვების გამო, ნელა ვითარდება. ანკარასთან მის გაუმჯობესებაზე მოლაპარაკებები მიმდინარეობს.

ელჩმა თომას ჰანს ოსოვსკიმ განმარტა, რომ ახალი წესები დაეხმარება თურქებს ბიუროკრატიის ხანგრძლივი პროცედურების დაჩქარებასა და პრობლემების გადაჭრაში, მაგრამ აღნიშნა, რომ ეს პრობლემის სამუდამო მოსაგვარებლად საკმარისი არ არის:

"[შენგენის ზონაში შესვლა] თურქეთის მოქალაქეებისთვის გაცილებით უფრო მარტივი და უფრო სწრაფი იქნება", — თქვა ოსოვსკიმ ანკარაში ჟურნალისტებთან, მოცემულ ევროპული კომისიის ახალი გადაწყვეტილების შესახებ.

თურქეთის საგარეო საქმეთა სამინისტრო ამ ნაბიჯს მიესალმა და განაცხადა, რომ თურქული სტრუქტურები და ევროკომისია კვლავ გააგრძელებენ ვიზის შეღავათების გაზრდაზე მუშაობას.

ვაჭრობის მინისტრმა ომერ ბოლატმა აღნიშნა, რომ ეს არის "დასტური, რომელიც ჩვენი მოქალაქეებისთვის დიდი ხნის განმავლობაში იყო მოსალოდნელი".

მან Reuters-ს, და Anadolu-ს სააგენტოს უთხრა, რომ თურქეთი ასევე საბაჟო კავშირის მოდერნიზებაზე მოლაპარაკებების დაწყებას მოითხოვს.

ცნობისთვის, თურქეთი1999 წლიდან ევროკავშირის წევრობის კანდიდატია, მაგრამ მოლაპარაკებები, ადამიანის უფლებებთან და დემოკრატიის უკუსვლის საკითხების გამო, წლებია გაიყინა.