ამერიკის შეერთებული შტატების პრეზიდენტმა, დონალდ ტრამპმა ფლორიდის ფედერალურ სასამართლოში 10 მილიარდი დოლარის მოთხოვნით, ცილისწამებასთან დაკავშირებით სარჩელი შეიტანა The Wall Street Journal-ის, მისი მფლობელი კომპანიების Dow Jones და News Corp-ის (მათ შორის რუბერტ მერდოკის), დირექტორების და ორი ჟურნალისტის წინააღმდეგ. ამის შესახებ ინფორმაციას Reuters ავრცელებს.

სარჩელი იმ სტატიას ეხება, რომელშიც ნათქვამია, რომ 2003 წელს ტრამპის სახელი ჯეფრი ეპშტეინის დაბადების დღის მისალოც ბარათზე იყო მითითებული. The Wall Street Journal-ის თქმით, ბარათი, სექსუალურ შინაარსობრივ ილუსტრაციას და საერთო საიდუმლოებებზე მინიშნებას წარმოადგენდა.

ტრამპმა ბრალდებებიკატეგორიულად უარყო და Truth Social-ზე დაწერა:

"ახლახან შევიტანეთ უძლიერესი სარჩელი ყველას წინააღმდეგ, ვინც მონაწილეობდა ამ ცრუ, ბოროტი, ცილისმწამებლური, ყალბი ახალი ამბების "სტატიის" გამოქვეყნებაში ამ უსარგებლო "ნაგავში", რომელიც არის Wall Street Journal," — დაწერა მან და მოგვიანებით დაამატა:

"იმედია, რუბერტი და მისი "მეგობრები" მოუთმენლად ელოდებიან უსასრულო ჩვენებებსა და დაკითხვებს..."

სარჩელში ნათქვამია, რომ სტატიის გამო ტრამპს "უზარმაზარი ფინანსური და რეპუტაციული ზიანი" მიადგა და რომ ბრალდებულებმა ცილისწამების განზრახვით, "ნამდვილი ბოროტი განზრახვით" იმოქმედეს — რაც აშშ-ის კანონმდებლობით ცილისწამების სამართლებრივი სტანდარტია.

Dow Jones-მა განაცხადა, რომ სრულად ენდობა სტატიას და სასამართლოში თავის დაცვას გეგმავს.