ევროპის დემოკრატიული პარტია (European Democratic Party) სოციალურ ქსელში 19 ივლისის აქციას ეხმაურება და წერს, რომ საქართველოს ხალხის გვერდით დგანან:

"დღე 234. დღეს საღამოს ათასობით ადამიანი კვლავ შეიკრიბა თბილისში, რათა გაბედულად წინ აღსდგომოდნენ "ქართული ოცნებას", რომელიც პოლიტიკურ ოპონენტებს აპატიმრებს, აჩუმებს განსხვავებულ აზრს და საქართველოს ევროპისგან კიდევ უფრო აშორებს. ე.წ. "უცხოელი აგენტების შესახებ კანონი" დემოკრატიული ღირებულებების ღალატია. ჩვენ, ევროპელი დემოკრატები, დღეს საღამოს ქუჩებში საქართველოს ხალხის გვერდით ვდგავართ: თავისუფლების, ღირსებისა და მათი ევროპული მომავლისთვის", — წერს EDP და სოციალურ ქსელში ქარდს აზიარებს.

გუშინ, 19 ივლისს უწყვეტი პროტესტის 234-ე დღეს მოქალაქეებმა თბილისის სახელმწიფო უნივერსიტეტიდან პარლამენტამდე მსვლელობა ლოზუნგით — "არა რუსულ არჩევნებს!" მოაწყვეს. 8 ოპოზიციური პარტიის მიერ დაორგანიზებული აქციის მონაწილეებმა კიდევ ერთხელ მოითხოვეს ახალი, სამართლიანი საპარლამენტო არჩევნები და დააფიქსირეს შემოდგომაზე გასამართი თვითმმართველობის არჩევნების ბოიკოტი.