უკრაინამ 11 გატაცებული ბავშვი დაიბრუნა. ამის შესახებ უკრაინის პრეზიდენტის ადმინისტრაციის ხელმძღვანელი, ანდრეი ერმაკი სოციალურ ქსელში წერს.

"პრეზიდენტი ზელენსკის ინიციატივის BringKidsBackUA ფარგლებში, 11 უკრაინელი ბავშვი წარმატებით დაბრუნდა დროებით ოკუპირებული ტერიტორიებიდან და რუსეთის ფედერაციიდან. ბავშვების ასაკი 10-დან 17 წლამდეა [...] მადლობა ჩვენს პარტნიორებს — კატარის სახელმწიფოს შუამდგომლობისთვის და უკრაინის ომბუდსმენის ოფისის გუნდს კოორდინირებული და პრინციპული ძალისხმევისთვის.

ჩვენ ვასრულებთ პრეზიდენტის მისიას — დავაბრუნოთ ყოველი ბავშვი", — წერია განცხადებაში.