"ნოდარ მელაძის შაბათის" ჟურნალისტური გამოძიების ინფორმაციით, "თანაინვესტირების ფონდის" ყოფილი ხელმძღვანელი გიორგი ბაჩიაშვილი მე-8 დაწესებულებაში 28 წლის კახი მეტრეველმა სცემა.

მათი ცნობით, გიორგი ბაჩიაშვილზე თავდამსხმელი 10 წელია იხდის სასჯელს და ქსნის მე-15 დაწესებულებაში იხდიდა სასჯელს. ამჟამად კი მე-18 სამკურნალო დაწესებულებაში იმყოფება.

ოჯახის წევრების თქმით, კახი მეტრეველს ციხე რამდენიმე კვირაში, 10 აგვისტოს უნდა დაეტოვებინა.

ტვ პირველის გამომძიებელი ჟურნალისტები აცხადებენ, რომ 28 წლის მეტრეველი ციხეში კრიმინალურ სამყაროს დაუახლოვდა და ქსნის სასჯელაღსრულების დაწესებულებაში, ერთ-ერთი კორპუსის ე.წ. მაყურებელი გახდა.

ამას გარდა, ბაჩიაშვილის მიერ სახალხო დამცველის აპარატის თანამშრომლისთვის ნაკარნახევ წერილში ვკითხულობთ, რომ მეტრეველს საკანში შესვლისას ჯინსის შარვალი ეცვა. ეს სამოსი ციხეში აკრძალულია.

14 ივლისს გავრცელდა ინფორმაცია, რომ თანაინვესტირების ფონდის ყოფილი ხელმძღვანელი გიორგი ბაჩიაშვილი გლდანის ციხეში სცემეს. NEWS.On.ge-ს თავდაპირველად ბაჩიაშვილის ადვოკატმა, დავით ჯანდიერმა დაუდასტურა, რომ ის ნაცემი იყო. როგორც მან განგვიცხადა, ბაჩიაშვილი ციხის სამკურნალო დაწესებულებაში იყო მოთავსებული. კლინიკა "ვივამედის" კლინიკური დირექტორის, ზურაბ ჩხაიძის განცხადებით, ბაჩიაშვილი პარასკევს, 11 ივლისს, კლინიკაში სხეულის სხვადასხვა დაზიანებით შეიყვანეს. მისი თქმით, ბაჩიაშვილს ასევე აღენიშნებოდა ღია ჭრილობები თავის არეში. ჩხაიძის ცნობით, ბაჩიაშვილი კლინიკაში გადაყვანიდან რამდენიმე საათში უკან, ციხის სამკურნალო დაწესებულებაში დააბრუნეს.

თანაინვესტირების ფონდის ყოფილი ხელმძღვანელი წერილში წერს, რომ 8 ივლისს მე-8 დაწესებულების ხელმძღვანელმა, დავით გოგობერიშვილმა მოინახულა და ურჩია, რომ "ივანიშვილისთვის მთელი მისი საბანკო ანგარიშები, კრიპტოვალუტების ბრუნვები და ანგარიშის მისამართები გაეხსნა". მას შემდეგ რაც ბაჩიაშვილისგან უარი მიიღო, დაემუქრა. 11 ივლისს კი ის საკანში უცნობმა პირმა სცემა.

მეტი გიორგი ბაჩიაშვილის ცემის ფაქტზე: