არის ასეთი ქალბატონი, საგარეო უსაფრთხოების კომისარი, ამ კომისრების ხსენებაზე კომუნისტები მახსენდებიან. შეიძლება ვიღაცამ თქვას ასეთი რაღაც: კაია, კაია? იქნებ მართლა კაია კაია", — ამის შესახებ ბოდბელმა მთავარეპისკოპოსმა, იაკობმა ქადაგებისას საგარეო და უსაფრთხოების საკითხებში ევროკავშირის უმაღლეს წარმომადგენელ კაია კალასზე თქვა.

მისი თქმით, ევროკომისია ქართულ ტრადიციებს და ოჯახური ღირებულებების დაცვას "ეხება". "რას შენი საქმეა, მსოფლიოსთვის ვისთვის რა გაგიკეთებია?", ამბობს მთავარეპისკოპოსი ევროკომისიაზე.

"რომ შეხედოთ, რაც გვერჩის დღევანდელი ტერიტორიული ევროპა, ევროკავშირად წოდებული, მრავალი ქვეყანაა იქ შესული და მათი ხელისუფლებები, რა უნდათ? თუ გადახედავთ, თურმე 31 აგვისტომდე რვა რაღაც უნდა შევასრულოთ და თუ გადავხედავთ და აი, ვთქვათ და შევასრულეთ, რას ვიღებთ ამით? ძალიან დიდ რამეს — შეგვეძლება ჩვენი ფულით ბილეთები ავიღოთ, სასტუმროები ან სახლები ვიქირაოთ უცხოეთში, ჩავიდეთ, ჩვენი ფული დავხარჯოთ ისევ იქ, იმათი ეკონომიკები გავაძლიეროთ, აქედან დიდი ხნით გავიდეთ, იქ ვიმუშაოთ. დღეს მონები აღარ ჰქვიათ, ხომ? მონათმფლობელური წყობილება აღარაა, მაგრამ მესამედ ფასში იმუშაონ. ჩვენთვის ესეც დიდი ფულია.

რას გვეუბნებიან. ერთ-ერთი რა არის იმ 8-დან. არიან ადამიანები, რომ ითხოვენ იმას, რომ ხელისუფლების ბრალი იქნებაო თუ უვიზოდ ვეღარ ვიფრინეთ უცხოეთშიო, ფრენისგან ცოტა ძირს დაეშვით, სად იზრდებით? ოჯახში ხართ გაზრდილი, როცა ასე ლაპარაკობ? ოჯახური ღირებულების [კანონი] ის უკან გაიწვიეთო. ვის ტრადიციებს ვეხებით? თუ არ გეშინია ჩემი ტრადიციების რატომ მიშლი ტრადიციები მქონდეს და ოჯახური ღირებულებები მე როგორც მინდა ისე დავიცვა. რას შენი საქმეა, მსოფლიოსთვის ვისთვის რა გაგიკეთებია?

…არის ასეთი ქალბატონი, ქალბატონი კაია, საგარეო უსაფრთხოების კომისარი, ამ კომისრების ხსენებაზე კომუნისტები მახსენდებიან. წითელი კომისრები მახსენდებიან, ისე გვექცევიან, აბსოლუტურად. შეიძლება ვიღაცამ თქვას ასეთი რაღაც. კაია, კაია? იქნებ მართლა კაია კაია", — აცხადებს ბოდბელი მთავარეპისკოპოსი იაკობი ქადაგებისას.