ქუთაისი-სამტრედიის გზაზე ავარიის შედეგად ერთი არასრულწლოვანი გარდაიცვალა, ერთი პირი კი დაშავდა. შემთხვევა 14 აპრილს მოხდა.

საქართველოს შინაგან საქმეთა სამინისტრო გამოძიებას სისხლის სამართლის კოდექსის 276-ე მუხლის მეხუთე ნაწილით აწარმოებს. ამ მუხლით ტრანსპორტის მოძრაობის უსაფრთხოების ან ექსპლუატაციის წესის დარღვევა, (იმის მიერ, ვინც ამ სატრანსპორტო საშუალებას მართავს) რამაც გამოიწვია ადამიანის სიცოცხლის მოსპობა, ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.