რეზოლუციის ტექსტის ამ ფორმულირებით მიღება მცდარი "არგაღიზიანების" პოლიტიკის მორიგი გამოვლინებაა — GRASS
საქართველოს რეფორმების ასოციაციის (GRASS) განცხადებით, უკრაინის მხარდამჭერი რეზოლუციის ტექსტის დღევანდელი ფორმულირებით მიღება არც მორალურად და არც პრაგმატულად არ არის გამართლებული და მცდარი "არგაღიზიანების" პოლიტიკის მორიგ გამოვლინებას წარმოადგენს.
მათი თქმით, ის ვერ პასუხობს იმ საფრთხეებსა და გამოწვევებს, რომლებიც დღეს უკრაინის საზღვრებთან რუსეთის აგრესიულ ქმედებებში ვლინდება და რაც ჯერ კიდევ 2008 წელს საქართველოს სუვერენიტეტისა და ტერიტორიული მთლიანობის შელახვაში გამოიხატა.
"პირველ რიგში, ხაზგასმით უნდა აღინიშნოს, რომ მიღებულ რეზოლუციაში არ არის ნახსენები რუსეთი, როგორც იმ საფრთხის წყარო, რომელიც დღეს მშვიდობასა და სტაბილურ განვითარებას საფრთხეს უქმნის არა მხოლოდ უკრაინაში, არამედ საქართველოსა და მთელ რეგიონში.
რეზოლუციის ტექსტში რუსეთის ფედერაციის, როგორც რეგიონში შექმნილი საომარი ესკალაციის მთავარი გამომწვევი აქტორის იგნორირება დამაზიანებელია საქართველოს ეროვნული ინტერესებისთვისაც, განსაკუთრებით, უსაფრთხოების იმ გამოწვევების ფონზე, რომლის წინაშეც დღეს საქართველო სწორედ კრემლის გამო დგას (მცოცავი ოკუპაცია, მოქალაქეების გატაცება, ანექსიის საფრთხე)", — აღნიშნულია განცხადებაში.
GRASS-ის განცხადებით, რეზოლუციის ტექსტის იმგვარი ფორმულირება, სადაც არ არის გამოხატული მკაფიო პოზიცია რუსეთის ქმედებებთან დაკავშირებით, მნიშვნელოვნად ასუსტებს საქართველოს პოზიციებს საერთაშორისო ასპარეზზე.
თუმცა, მათივე თქმით, გარდა რუსეთის ფედერაციის, როგორც ამჟამინდელი კრიზისის წყაროს დასახელებისგან თავშეკავებისა, რეზოლუციის ტექსტი ბევრი სხვა მიმართულებითაც არის პრობლემური, კერძოდ:
- მკაფიოდ არ არის დაგმობილი კრემლის მოთხოვნა, რომ შეიცვალოს ბუქარესტის 2008 წლის ნატოს სამიტის გადაწყვეტილება, რომ უკრაინა და საქართველო გახდებიან ნატოს წევრები;
- საერთოდ არ არის ნახსენები აფხაზეთი და ცხინვალის რეგიონი, ისევე, როგორც არაფერია ნათქვამი ლუგანსკისა და დონბასის ოლქების ოკუპაციის, ასევე — ყირიმის ანექსიის შესახებ;
- ტექსტში ვერ ვხედავთ მოწოდებებს რუსეთის საოკუპაციო ჯარების გაყვანის შესახებ იმ ტერიტორიებიდან, სადაც უკანონოდ არიან განთავსებულნი და საფრთხეს უქმნიან მშვიდობასა და სტაბილურობას რეგიონში;
- არ არის ასახული მოწოდებები დასავლელი პარტნიორების მიმართ რუსეთის წინააღმდეგ, უკრაინასა და საქართველოში ჩადენილი დანაშაულებების გამო, დაწესებული სანქციების გამკაცრებასთან დაკავშირებით.
"განსაკუთრებით გაუგებარია, რატომ საუბრობს რეზოლუცია "უკრაინაში" სამხედრო ესკალაციაზე და ომზე, მაშინ როდესაც, ყველასთვის ნათელია, რომ კონფლიქტი რუსეთის ქმედებების შედეგად იქმნება უკრაინასა და რუსეთს შორის, ხოლო "უკრაინაში" სამხედრო დაპირისპირება სწორედ კრემლის ნარატივია, რომელიც ქმნის მცდარ შთაბეჭდილებას, თითქოს კონფლიქტი უკრაინის შიგნით ცენტრალურ ხელისუფლებასთან დაპირისპირებულ რეგიონებთან ხდება", — აცხადებენ ასოციაციაში.
მათივე თქმით, საქართველოს აღმასრულებელი ხელისუფლების შემაშფოთებელი პასიურობის ფონზე, პარლამენტის ერთიან და პრინციპულ პოზიციას კიდევ უფრო დიდი საერთაშორისო და შიდა პოლიტიკური მნიშვნელობა ჰქონდა. GRASS სამწუხაროს უწოდებს,რომ პარლამენტმა უკრაინაში რუსეთის აგრესიულ ქმედებებსა და ბოლოდროინდელ ესკალაციაზე ერთიანი, მრავალპარტიული და პრინციპული პოზიციის მიღება ვერ შეძლო.
"ნაცვლად იმისა, რომ საკანონმდებლო ორგანოში რეზოლუცია ფართო მხარდაჭერის და შესაბამისად, საზოგადოებრივი კონსენსუსის საგანი გამხდარიყო, რისი მოლოდინიც ჩვენს დასავლელ პარტნიორებსაც ჰქონდათ, როგორც საპარლამენტო განხილვები, ასევე მიღებული დოკუმენტი, საბოლოო ჯამში, საზოგადოებრივი პოლარიზაციისა და ეროვნული შეუთანხმებლობის ილუსტრაციად იქცა", — აღნიშნულია განცხადებაში.
მათივე შეფასებით, ზეპარტიული რეზოლუციის მიღება როგორც უკრაინისთვის, ასევე საერთაშორისო საზოგადოებისთვის მნიშვნელოვანი გზავნილი იქნებოდა, რომ საქართველო უკრაინის სოლიდარულია და მას რუსეთის აგრესიულ ქმედებებზე პრინციპული და მკაფიო პოზიცია აქვს.
უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. რუსეთი კი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.
ამის ფონზე, დღეს, პირველ თებერვალს საქართველოს პარლამენტმა მიიღო უკრაინის მხარდამჭერი რეზოლუცია, სადაც რუსეთი ნახსენები არ არის.
უკრაინის მხარდამჭერი რეზოლუციის შემუშავების ინიციატივა ოპოზიციური ფრაქციების ლიდერებს ეკუთვნით. 24 იანვარს გამართულ ბრიფინგზე მათ მმართველ პარტიას ერთიანი ტექსტის შემუშავება შესთავაზეს, თუმცა შეთანხმება ვერ მოახერხეს.
რეფორმების ფრაქციის წევრის, ხათუნა სამნიძის ინფორმაციით, ქართულმა ოცნებამ მათ საკუთარი ვერსია შესთავაზა და განხილვის შემდეგ ისინი პრინციპულ საკითხებზე შეთანხმდნენ. თუმცა, მისივე თქმით, შესვენების დროს "ოცნების" დეპუტატებმა გადაწყვიტეს ტექსტის თავდაპირველი ვერსია დაებრუნებინათ, რის გამოც ოპოზიციამ თანაავტორობაზე უარი თქვა.
გაიგე მეტი:
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
-
გადახედვაქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად ქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად
-
-
გადახედვამოქალაქის მიმართ იძულების ფაქტზე შსს-ს თანამშრომელი ამხილეს მოქალაქის მიმართ იძულების ფაქტზე შსს-ს თანამშრომელი ამხილეს
-
-
გადახედვადააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა დააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა
-
-
-
გადახედვასაქართველოს მთავრობა ევროპის საბჭოს GRECO-ს ანტიკორუფციული შეფასების ანგარიშს მალავს — TI საქართველოს მთავრობა ევროპის საბჭოს GRECO-ს ანტიკორუფციული შეფასების ანგარიშს მალავს — TI
-
გადახედვაარსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს არსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს
-
გადახედვაორი პოლიციელი დაიღუპა თავდასხმის შედეგად ყარაჩაი-ჩერქეზეთში ორი პოლიციელი დაიღუპა თავდასხმის შედეგად ყარაჩაი-ჩერქეზეთში
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
კომენტარები