საავტომობილო გზების დეპარტამენტის ინფორმაციით, 25 იანვარის 23:00 საათიდან 26 იანვრის 02:00 საათამდე სენაკი-თბილისის, ხოლო 02:00 საათიდან 05:00 საათამდე თბილისი-სენაკის მიმართულებით ყველა სახის ტრანსპორტის მოძრაობა იკრძალება. დეპარტამენტის ცნობით, მიზეზი პროფილაქტიკური სამუშაოებია.

მათივე განცხადებით, სენაკი-თბილისის გვირაბის მიმართულების ჩაკეტვის პერიოდში, ავტოტრანსპორტის ნაკადი თბილისი-სენაკის გვირაბის მიმართულებაზე გადაერთვება, ხოლო თბილისი-სენაკის მიმართულება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე.

საავტომობილო გზების დეპარტამენტში აბობენ, რომ ამ რეჟიმით მოძრაობა საპატრულო პოლიციის უშუალო ზედამხედველობითა და კოორდინაციით განხორციელდება.