ონლაინ და ბეჭდურ ჟურნალისტიკაში ყველაზე პრესტიჟული ამერიკული ჯილდოს, პულიცერის პრემიის 2017 წლის გამარჯვებულების სია ცნობილია.

New York Times-მა წელს სამ კატეგორიაში მოიპოვა ჯილდო, მათ შორის, ახალი ამბების ფოტოგრაფიაში, რომელიც ფილიპინებში, ნარკოტიკების გასაღებისა და მოხმარების ბრალდებით, მთავრობის მიერ ხალხის ხოცვას ასახავდა. გარდა ამისა, ჯილდო მიიღო საერთაშორისო თემის გაშუქებისთვის და პუბლიცისტური ნაშრომისთვის.

ასევე, პრემიის ერთ-ერთი მფლობელი გახდა გამომძიებელ ჟურნალისტთა საერთაშორისო კონსორციუმი პანამის დოკუმენტებისთვის გამოაშკარავებისთვის, რომელზეც 300-ზე მეტი რეპორტიორი მუშაობდა მედია-პარტნიორებთან ერთად. ისინი ერთი წლის განმავლობაში ამუშავებდნენ დოკუმენტებს, რათა გამოეაშკარავებინათ მსოფლიოს პოლიტიკურ ლიდერთა კავშირები ოფშორულ ჰოლდინგებთან.

ჟურნალისტიკაში პულიცერის პრემიის გამარჯვებულთა სია ასეთია:

საზოგადოებრივი საქმე: New York Daily News და ProPublica, რეპორტიორ სარა რაილის სტატიების სერიებისთვის, რომელიც პოლიციის მიერ გამოსახლების წესების დარღვევასა და უფლებამოსილების ბოროტად გამოყენებას ეხება.

ახალი ამბის გაშუქება: East Bay Times-ის თანამშრომლები, Ghost Ship-ის ხანძრის გაშუქებისთვის, რომელის შედეგად 36 ადმაიანი დაიღუპა. ასევე, ტრაგედიის შემდეგ გაგრძელებული ამბის თხრობისთვის, რომელმაც გამოააშკარავა უუნარო ქალაქი, რომელმაც პრევენციისთვის საჭირო ნაბიჯები ვერ გადადგა.

ჟურნალისტური გამოძიება: Charleston Gazette-Mail-ის ჟურნალისტი ერიკ აირი, ნარკოტიკული საშუალება ოპიოდის ეპიდემიის გამოაშკარავებისთვის დასავლეთ ვირჯინიაში, სადაც ზედოზრებით დაღუპული ადამიანების ყველაზე მაღალი რიცხვია აშშ-ში.

კომპლექსური გაშუქება: გამომძიებელ ჟურნალისტთა საერთაშორისო კონსორტიუმი, პანამის დოკუმენტებისა და 300 რეპორტიორის კოლაბორაციული სტატიების სერიებისთვის.

ადგილობრივი ამბის გაშუქება: The Salt Lake Tribune-ის თანამშრომლები, აშშ-ის ერთ-ერთ უნივერსიტეტში სექსუალური ძალადობის გაშუქებისთვის.

ეროვნული ამბის გაშუქება: The Washington Post-ის ჟურნალისტი, დევიდ ფარენჰოლდი, დონალდ ტრამპის ფილანტროპიასთან დაკავშრებული საკითხების გაშუქებისთვის.

საერთაშორისო ამბის გაშუქება: The New York Times-ის თანამშრომლები, ვლადიმერ პუტინის მიერ საზღვარგარეთ რუსეთის ძალაუფლების პროპაგანდის მცდელობების გაშუქებისა და მისი ტექნიკების გამოაშკარავებისთვის.

სახასიათო ნაწარმოები: The New York Times-ის სი ჯეი ჩივერსი, საზღვაო ქვეითის ომის შემდგომი ცხოვრების შესახებ სტატიისთვის.

კომენტარი: The Wall Street Journal-ის პეგი ნუნანი, აშშ-ის საარჩევნო სეზონის გაშუქებისთვის.

კრიტიკა: The New Yorker-ის ჰილტონ ალსი, თეატრის რეცენზიებისთვის.

სარედაქციო წერილი: The Storm Lake Times-ის არტ ქულენი, შტატ აიოვას კორპორაციული სოფლის მეურნეობს ინტერესების გაშუქებისთვის.

სარედაქციო კარიკატურა: Miami Herald-ის ჯიმ მორინი, მისი პოლიტიკური კარიკატურებისთვის.

ახალი ამბების ფოტოგრაფია: დენიელ ბერეჰულაკი, ფრილანს ფოტოგრაფი, New York Times-ში გამოქვეყნებული ფოტოებისთვის, რომლებზეც ფილიპინების ხელისუფლების მიერ ნარკომომხმარებელთა და ნარკოტიკების გამსაღებელთა დახოცვაა აღბეჭდილი.

სახასიათო ფოტოგრაფია: Chicago Tribune-ის ი ჯეისონ უომბსგანსი, მისი ფოტოესესთვის, ბავშვზე, რომელიც ჩიკაგოში სროლას გადაურჩა.