შინაგან საქმეთა სამინისტროს ინფორმაციით, დიდი ოდენობით ნარკოტიული საშუალების უკანონო შეძენა-შენახვის ბრალდებით ბოლნისის მუნიციპალიტეტის სოფელ ცურტავთან 1 პირი დააკავეს. უწყების ცნობით, ნივთმტკიცებად 1 კილოგრამი და 500 გრამი ნარკოტიკული საშუალება ჰეროინია ამოღებული.

"ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1977 წელს დაბადებული რ.ა. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით დააკავეს", — აცხადებს შსს.

გამოძიება სისხლის სამართლის კოდექსის 260-ე მუხლის მე-6 ნაწილით მიმდინარეობს, რაც 8-დან 20 წლამდე ან უვადო თავისუფლების აღკვეთას ითვალისწინებს.