ახალ წელს სასწაულებს ალბათ ყველა ჩვენგანი ელოდება, მათ შორის, მიუსაფარი ცხოველებიც. მათთვის, რა თქმა უნდა, მთავარი სასწაული თბილი სახლისა და მოსიყვარულე ოჯახის პოვნაა, თუმცა უმეტესობა მათგანისთვის, ხშირად, 1 ულუფა გემრიელი საკვებიც კი სანატრელია. განსაკუთრებით ზამთარში, როდესაც გარეთ, სიცივეში თავის გასატანად, მეტი ენერგია სჭირდებათ.

ფოტო: Farmina Georgia

კომპანიონი ცხოველებისთვის მებრძოლი აქტივისტების საახალწლო სურვილიც მუდამ ერთია: აღარ ცხოვრობდნენ მიუსაფრები ქუჩაში. ამისთვის ისინი არაფერს იშურებენ და ქვეყნის ამ უდიდესი სოციალური პრობლემის გადაჭრის გზებზე მუდმივად საუბრობენ.

რამდენიმე დღის წინ 25 აქტივისტი ერთად Farmina Georgia-მ შეკრიბა. Farmina ცხოველების იტალიური ნუტრიციული კომპანიაა, რომელიც ჰიპერ და სუპერპრემიუმ კლასის საკვებს აწარმოებს და ცხოველების პატრონებს უნიკალურ ნუტრიციულ სერვისსაც სთავაზობს. მათი ქართველი წარმომადგენლების ერთ-ერთი გამოწვევა კი მიუსაფრების დახმარებაა. ერთმანეთისთვის იდეებისა და გეგმების გაცვლასთან ერთად Farmina-მ მიუსაფრებს, საახალწლოდ სუპეპრემიუმ კლასის საკვებიც გადასცა.

ფოტო: Farmina

ფოტო: Farmina Georgia

"ადამიანები, რომლებსაც ახლა ხედავთ ის აქტივისტები არიან, რომელთა დაუღალავ შრომასაც პირადად ვიცნობ, ვიცი რამდენ ცხოველზე ზრუნავენ და როგორ ცდილობენ სხვადასხვა გზებით, ამ ქვეყანაში მიუსაფარი ცხოველების პრობლემების აღმოფხვრას. Farmina Georgia-ს გუნდს ცხოველებთან განსაკუთრებული სიყვარული გვაკავშირებს და გვჯერა რომ თითოეული მათგანი იმსახურებს საუკეთესოს. დღეს ჩვენ, აქ იდეებისა და აზრების გასაცვლელად და ამ ადამიანებისთვის მადლობის სათქმელად შევიკრიბეთ", — განაცხადა ნათია ჩიქოვანმა, Farmina Georgia-ს მარკეტინგის მენეჯერმა.

ახალი წლის ჯადოსნური ძალა თითოეულ ადამიანს იმედსა და მოტივაციას მატებს. 2022 წლის უკეთესი მომავლის ცხოველმოყვარულებსაც სჯერათ.

ფოტო: Farmina Georgia

ფოტო: Farmina Georgia

ფოტო: Farmina Georgia