გორის მუნიციპალიტეტში, სოფელ ზეღდულეთის მოსახლეობა საძოვარი მიწის ნაკვეთების გაყიდვას აპროტესტებს, ისინი ავტობანის გადაკეტვას ცდილობენ.

ადგილზე მობილიზებულია პოლიციაც. მოქალაქეები ამბობენ, რომ პროტესტს არ შეწყვეტენ, სანამ მიწები მათ არ დაუბრუნდებათ.

"მიწები წაგვართვეს, გაგვიყიდეს ყველაფერი, გაგვანადგურეს, 200 ჰექტარი მამული გაგვიყიდეს, სახნავ-სათესი 120 და საძოვარი 75. ჩვენს უფლებებს არაფრად არ აგდებენ", — განაცხადა აქციის ერთ-ერთმა მონაწილემ.

ადგილობრივი მედიის ცნობით, იქ შეკრებილებთან მოსალაპარაკებლად გორის მერის მოადგილე, თამაზ შიოშვილი და სოფლის წარმომადგენელი, კობა ბერიანიძე მივიდნენ. მათივე ინფორმაციით, ამ მიწის ნაკვეთებზე დავა წლებია მიმდინარეობს.