ევროპული საბჭოს პრეზიდენტი, შარლ მიშელი აზერბაიჯანსა და სომხეთს სიტუაციის დეესკალაციისა და ცეცხლის შეწყვეტისკენ მოუწოდებს. ტვიტერის ოფიციალურ გვერდზე მიშელი წერს, რომ ევროკავშირი, პარტნიორებთან ერთად, მუშაობს სამხრეთ კავკასიაში სტაბილურობის შენარჩუნებისთვის.

"დღევანდელი მოვლენების შესახებ აზერბაიჯანის და სომხეთის პრეზიდენტებთან საუბრისას მხარეებს მოვუწოდე სიტუაციის დეესკალაციისა და ცეცხლის სრულად შეწყვეტისკენ.

რეგიონში რთული სიტუაციაა — ევროკავშირი პარტნიორებთან ერთად მუშაობს, რათა სამხრეთ კავკასიაში დაძაბულობის დაძლევისა და სტაბილურობის შენარჩუნებისთვის", — წერს მიშელი.

სომხეთისა და აზერბაიჯანის საზღვარზე დაპირისპირება იყო. საბრძოლო მოქმედებების დროს, სულ მცირე, 6 ადამიანი დაშავდა. ორივე მხარის ოფიციალური განცხადებების თანახმად, შეტაკებების დროს გამოიყენეს არტილერია და ჯავშანტექნიკა.

გაიგე მეტი: