ბოლო 2 წლის განმავლობაში პანდემია ნებისმიერი ადამიანისთვის უდიდესი გამოწვევა აღმოჩნდა. მომაკვდინებელი ვირუსი, ახლობლებისა და მეგობრებისგან შორს ყოფნა, ლოქდაუნი, დისტანციურ სამუშაო რეჟიმზე გადასვლა, დაწესებულებების დახურვა — ამ ყველაფერმა ჩვენი ყოველდღიურობა შეცვალა. ეს ცვლილებები კი, სავარაუდოდ, ისეთ ჩვევებზე გვათქმევინებს უარს, რომლებიც აქამდე ჩვენი ცხოვრების განუყოფელი ნაწილი იყო.

Reddit-ის მომხმარებლებმა სწორედ ისეთი ჩვევები განიხილეს, რომელთაც პანდემიის დასრულების შემდეგაც კი არ დაუბრუნდებიან და მათი გამტყუნება ნამდვილად რთულია:

1. ნებისმიერი ტიპის სამუშაოს ოფისიდან შესრულება

ფოტო: Giphy

დისტანციურ სამუშაო რეჟიმზე გადასვლამ გვასწავლა, რომ ზოგიერთი პროფესიის წარმომადგენლისთვის საქმის ხარისხიანად შესასრულებლად ოფისში სიარული აუცილებელი სულაც არაა. ასეთი პროფესიებია, მაგალითად, სოციალური მედიის მენეჯერი, გრაფიკული დიზაინერი, მარკეტინგის მენეჯერი და ა.შ.

2. მისალმებისას კოცნა ან/და ხელის ჩამორთმევა

ფოტო: Giphy

მხოლოდ თავის დაკვრით რომ შემოვიფარგლოთ?!

3. სამსახურში მისვლა მაშინ, როცა ავად ხარ

ფოტო: Giphy

საკუთარი და სხვისი ჯანმრთელობისთვის საფრთხის შექმნა სწორი ნამდვილად არაა.

4. იმ თანამშრომლების ქება, რომლებიც ავადმყოფობის მიუხედავად, სამსახურში მოვიდნენ

ფოტო: Giphy

საკუთარი და სხვისი ჯანმრთელობის გარისკვა გმირობა ნამდვილად არაა. უმჯობესია, ძალისხმევა გამოჯანმრთელებისკენ მივმართოთ.

5. რიგში ადამიანებთან ზედმეტად ახლოს დგომა

ფოტო: Giphy

დისტანციის დაცვა პანდემიის დასრულების შემდეგაც არაა ცუდი აზრი.

6. გარეთ პირბადის გარეშე გასვლა მაშინ, როცა ავად ხარ

ფოტო: Giphy

პირბადის ტარებით სხვების ჯანმრთელობაზე ზრუნავ. თუ დართ ვეიდერს შეუძლია, შენც შეძლებ!

7. სახლიდან ხელის სადეზინფექციო სითხის გარეშე გასვლა

ფოტო: Giphy

მობილური, საფულე, გასაღები და სადეზინფექციო სითხე — ამ ნივთების გარეშე სახლიდან აღარ გავდივართ.

8. ბოულინგის თამაშის დროს ხელით ჭამა

ფოტო: Giphy

თუ ამაზე აქამდე არ გიფიქრიათ, სჯობს, დაფიქრდეთ...

9. ნებისმიერი მიპატიჟების მიღება

ფოტო: Giphy

როგორც აღმოჩნდა, იქ წასვლაზე უარის თქმა, სადაც ყოფნა არ გვინდა, შეუძლებელი სულაც არაა. სჯობს, დრო იმ ადამიანებსა და ადგილებს დავუთმოთ, რომლებიც გვიყვარს.

10. მაღაზიებში სიარული

ფოტო: Giphy

როგორც ჩანს, სურსათის, საკვებისა და წამლების გამოძახება, ტანსაცმლისა და საჭირო ნივთების ონლაინ ყიდვა ძალიან მოხერხებული ყოფილა და მუდამ მაღაზიებში სირბილი საჭირო სულაც არაა.