პრემიერმინისტრ ირაკლი ღარიბაშვილის განცხადებით, ნაციონალურ მოძრაობასთან ჩრდილოვანი კაბინეტის ფორმირებაზე საუბარი არასერიოზულობაა.

"ეს მახსენებს დაახლოებით იმ საზარელ და ტრაგიკულ დღეებს ჩვენი ქვეყნის ისტორიაში, როცა ის უბედური, ტრაგიკული დღეები გვქონდა ქვეყანაში, აგვისტოს ომის დროს და გამოვიდნენ რუსთაველზე, გამოიყვანეს საცოდავი ჩვენი ხალხი და მიშა, მიშა აძახინეს და კონცერტი გამართეს. აი, ეს ხალხი არიც ნაცმოძრაობა. ამ ადამიანებისგან რომელ ჩრდილოვან კაბინეტზეა საუბარი. არასერიოზულობაა უბრალოდ. მელიას გარანტირებული წაგება აქვს ქალაქში", — აცხადებს ღარიბაშვილი.

5 ოქტომბერს ნაციონალური მოძრაობის ლიდერმა, ნიკა მელიამ განაცხადა, რომ უახლოეს დღეებში აპირებენ დედაქალაქის მთავრობა დაასახელონ, რომელიც კოალიციური იქნება. მელიას თქმით, კონსულტაციები ყველა პოლიტიკურ პარტიასთან დაწყებული აქვთ და საზოგადოების წინაშე ერთიანი ჩრდილოვანი დედაქალაქის მთავრობით წარდგებიან.

ჩრდილოვან კაბინეტზე კომენტარი გააკეთა მმართველი პარტიის თავმჯდომარემაც. კობახიძის თქმით, ოპოზიციას არა ჩრდილოვან კაბინეტში, არამედ "ჩრდილში გადასვლა" მოუწევს.