ჯანდაცვის მინისტრი მოადგილის, თამარ გაბუნიას განცხადებით, ვაქცინაციის მაღალი მაჩვენებლიდან გამომდინარე, ვირუსის გავრცელება ყველაზე დაბალი აჭარასა და თბილისშია. ამის შესახებ მან საკოორდინაციო საბჭოს წევრების სხდომის შემდეგ ისაუბრა.

"დაახლოებით, 9 ათასამდე საწოლი, რომელიც მობილიზებული გვქონდა ჩვენ მეოთხე ტალღის პიკურ პერიოდში, მობილიზებული დარჩა. აქედან დაკავებულია 5 679, დანარჩენი არის თავისუფალი. უფრო მეტად თავისუფალი საწოლები არის თბილისში და აჭარაში", — განაცხადა მან.

მისივე თქმით, ამ ეტაპზე ჰოსპიტალიზაცია არის 12%, რაც წინა ტალღებთან შედარებით, დაბალია და ეს შესაძლოა, გამოწვეული იყოს შემთხვევების სიმსუბუქითა და ვაქცინაციით.