ერთ-ერთმა სასულიერო პირმა, ფორმულას ჟურნალისტს სიტყვიერი შეურაცხყოფა მიაყენა, დამამცირებელი და ჰომფობიური ტერმინებით მოიხსენია და აგინა. ტელეკომპანიის ინფორმაციით, ეს თალვკეთულას მონასტერში მცხოვრები ბერი იოანეა და ადგილზე იმის გასარკვევად ჩავიდნენ, მიმდინარეობს თუ არა მონასტერში უკანონო მშენებლობა.

ტელეკომპანიის გავრცელებულ კადრებში ჩანს საუბრის რამდენიმე ფრაგმენტი, სადაც სასულიერო პირი იგინება, ითხოვს, რომ შეწყვიტონ გადაღება და მედიას ადგილიდან მუქარით აძევებს.

გთავაზობთ ამონარიდებს. (ტექსტი და ვიდეო შეიცავს არანორმატიულ ლექსიკას)

"მისმინე შვილო, დეგენერატი ხარ? შეურაცხყოფას გაყენებ კი არა, მამაძაღლი ხარ, აქ მომივარდი, არც გამაფრთხილე, რომ მოდიოდი. გადი რა, თავი დამანებე".

"წადი რა, კარგად ბრძანდებოდე. როგორ შეიძლება ეგეთი რაღაცა, მოდიხართ, ახლა წახვალთ და რაღაც აგრესიულ ფორმას გააკეთებთ. ეკლესიაზე გააკეთებთ, იცი რას გეტყვი, შვილი არ გეყოლება ვაფშე, რა".

"იმ დღეს იცი რა პროვოკაციული კითხვა დამისვა? ინგა გრიგოლიას ვიცნობ ბავშვობიდან, საიდანაც გამოძვრა ეს ქალბატონი. ვაფშე თბილისში რომ ჩამოვიდა, ჩამოეთრია, აზრზე ხარ. იცი რას მეუბნება? რატო ცემესო ჟურნალისტებიო. ახლა მაგას იწერთ? ყოფას გიტირებთ რა, გეუბნებით, ამოიღე რა ტელეფონი თუ იწერ. შენც ამოიღე, არა მართლა გეუბნები, რა".

ჟურნალისტის რეპლიკას, რომ ჩაწერის უფლება აქვთ, სასულიერო პირი შეურაცხმყოფელი ფრაზებით პასუხობს:

"რაის უფლება გაქვთ, არაფრის უფლება არა გაქვთ. რა უფლება გაქვს? საიდან მოიგონე, რომ უფლება გაქვს. ჟურნალისტი კი არა, პირშისტი ხარ რა, გიყურებ. პირში არ აგიღია, ტო? წადი შენი, დედას დავეცი ახლა რა".

ამის შემდეგ ჟურნალისტმა ჰკითხა სასულიერო პირს, რატომ აყენებდა შეურაცხყოფას, რაზეც პასუხად მორიგი აგრესია მიიღო.

"შეურაცხყოფას გაყენებ კი არა, დედას გიტირებ, თქვენი დედა ვატირე, მე თქვენი. თქვენ იცი რას აკეთებთ, საქართველო გინდათ რომ დაღუპოთ. ვერ დაღუპავთ. [...]

კარგად იყავი კი არა, იდი ნახ*უი, რა. თქვენი დედა ვატირე, პედარასტები ხართ. აქ მეორეჯერ აქ დაგინახოთ, ამ წმინდა ადგილში რა გინდა. არ მითხრა ახლა, არ ამიღიაო, ნაბო*სრები ხართ. მე იმ გოგოს არ ვეუბნები, ბიჭიკო შენც არ გეუბნები, ეს არის ნაგლი რა", — ამბობს ბერი.

ვიდეოს დასასრულს, როცა ჩანს, რომ ჟურნალისტი და ოპერატორი ტერიტორიას ტოვებენ, სასულიერო პირი მათ აძახებს: "ჩემზე მეტი ქრისტიანები თქვენა ხართ, ვერ გავიგე. თქვენნაირები ესეა რა საჭირო".

აღსანიშანავია, რომ 22 აგვისტოს დეკანოზმა ილია ჭიღლაძემ გაავრცელა ვიდეო, სადაც ჩანს, რომ ბერი იოანე კაცს შეურაცხყოფას აყენებს ჯგუფური გაუპატიურებით ემუქრება. 26 აგვისტოს კი სამხრეთის კარიბჭემ გაავრცელა აუდიოჩანაწერი, რომელშიც ბერი ამბობს, რომ "ძველი განგსტერია" და დაჭერის არ ეშინია. მისი თქმით, მონასტერში მიმდინარე მშენებლობაზე სააგენტოდან არაერთხელ გააფრთხილეს, მაგრამ საჭიროდ არ მიიჩნევს, რომ მათ რამე შეუთანხმოს.

მომხდართან დაკავშირებით საპატრიარქოს პოზიციის და იმის გასარკვევად დაისჯება თუ არა აღნიშნული სასულიერო პირი, პრესსამსახურთან დაკავშირებას ვცდილობთ.

ეს პირველი შემთხვევა არ არის, როდესაც სასულიერო პირები ჟურნალისტებისადმი აგრესიას ავლენენ და მათ შეურაცხყოფას აყენებენ. იმავეს აკეთებენ მაღალი იერარქიის სასულიერო პირებიც და ხშირად ახალისებენ ჟურნალისტებზე ფიზიკურ და სიტყვიერ თავდასხმებს.

სწორედ ეკლესიის და საპატრიარქო იყო თანაორგანიზატორი 5 ივლისის აქციისა, სადაც პრორუსულმა და ძალადობრივმა ჯგუფებმა ჟურნალისტებზე იძალადეს. შედეგად მედიის 53 წარმომადგენელი დაშავდა. რამდენიმე დღეში აქციაზე ნაცემი TV პირველი ოპერატორი, ლექსო ლაშქარავა გარდაიცვალა.