თელავში ევროპული საქართველოს წევრის გაუჩინარებული შვილი იპოვეს. როგორც პარტიაში On.ge-ს განუცხადეს, ის ამ დრომდე დაკითხვაზე იმყოფება. ამ ეტაპზე, დამატებით დეტალებს On.ge შინაგან საქმეთა სამინისტროსთან აზუსტებს.

26 აგვისტოს, ევროპულმა საქართველომ გაავრცელა ინფორმაცია, რომ თელავში მათი ერთ-ერთი წევრის შვილი გაიტაცეს. პარტიის ლიდერი, გიგა ბოკერია გატაცებულის ოჯახის წევრებზე დაყრდნობით ამბობდა, რომ გამტაცებელი, შესაძლოა, კავშირში იყოს ქართული ოცნების ადგილობრივ ხელისუფლებასთან.

შსს-ს ცნობით, მომხდარზე გამოძიება სისხლის სამართლის კოდექსის 143 მუხლით არის დაწყებული, რაც თავისუფლების უკანონო აღკვეთას გულისხმობს.