ჭიათურაში ხანძარს მოხუცი ცოლ–ქმარი ემსხვერპლა. ინფორმაცია On.ge-ს საგანგებო სიტუაციების მართვის სამსახურში დაუდასტურეს.

უწყების ცნობით, ხანძარი საცხოვრებელ სახლში გაჩნდა და ცეცხლის ლიკვიდირების მიზნით ადგილზე მობილიზებულები იყვნენ სახანძრო–სამაშველო ჯგუფები.

შინაგან საქმეთა სამინისტროს ინფორმაციით, საქმეზე გამოძიება სისხლის სამართლის 187–ე მუხლით მიმდინარეობს, რაც სხვისი ნივთის დაზიანებას ან განადგურებას გულისხმობს.