შინაგან საქმეთა სამინისტროს განცხადებით, მცხეთის მუნიციპალიტეტის ერთ-ერთ სოფელში 23 წლის ქალი გაიტაცეს. თავისუფლების უკანონოდ აღკვეთის გამო 4 პირია დაკავებული.

უწყების ინფორმაციით, დამნაშავე, რომელმაც ქალი გაიტაცა 40 წლის არის, მისი თანმხლები პირები კი, დაახლოებით, 22, 23 და 39 და წლის არიან.

"გამოძიებით დადგინდა, რომ ბრალდებულმა თ.ნ.-მ, სამ თანამზრახველთან ერთად, მიმდინარე წლის 2 აგვისტოს, მცხეთის მუნიციპალიტეტის ერთ-ერთ სოფელში მცხოვრებ, 1998 წელს დაბადებულ ა.კ.-ს, ცოლად მოყვანის მიზნით, თავისუფლება უკანონოდ აღუკვეთა", — წერია განცხადებაში.

მომხდარზე გამოძიება 143-ე მუხლის 1-ლი ნაწილით მიმდინარეობს, რაც თავისუფლების უკანონო აღკვეთას გულისხმობს. დანაშაული 2-დან 4 წლამდე ვადით თავისუფლების აღკვეთას ითვალისწინებს.