"თქვენ ნუ ნერვიულობთ, ყველაფერი იქნება კარგად", — ასე პასუხობს საქართველოს საგარეო საქმეთა მინისტრი ჟურნალისტების კითხვებს ქართული ოცნების მიერ შარლ მიშელის შეთანხმების ანულირების შესახებ. მას ჟურნალისტებმა ჰკითხეს, როგორ აუხსნის ხელისუფლება ამას საერთაშორისო პარტნიორებს.

"ნუ ნერვიულობთ [...] ეს ჩვენი საქმეა, არგუმენტები...".

ხოლო კითხვაზე, არის თუ არა ეს რუსული სცენარი, მისი პასუხია, რომ "არანაირი რუსული სცენარი არ არის". ამასთან, ზალკალიანი არ ფიქრობს, რომ ეს არის დასავლურ კურსზე უარის თქმა.

28 ივლისს ქართულმა ოცნებამ განაცხადა, რომ შარლ მიშელის შეთანხმება ანულირებულია. პარტიის თავმჯდომარემ, ირაკლი კობახიძის თქმით, შეთანხმებას მხოლოდ თავად ასრულებენ, რაც არასწორად მიაჩნიათ. მან ოპოზიციას დააბრალა შეთანხმების არშესრულება. ამასთან, მისივე თქმით, ქართული ოცნება უარს ამბობს აქამდე დაპირებულ 43%-იან ბარიერზე და აცხადებს, რომ ახალი არჩევნები მათი "კეთილი ნებით" 53%-ის მიღების შემთხვევაშიც ჩატარდება, თუ გადაწყვეტენ, რომ ოპოზიცია მზად არის კოალიციური მმართველობისთვის.