ქართული ოცნების ოფისთან დაპირისპირებაა, პოლიცია აქტივისტებს აკავებს. ამ ეტაპზე უცნობია დაკავებულთა ზუსტი რაოდენობა, On.ge ინფორმაციის დაზუსტებას შსს-ში ცდილობს.

როგორც On.ge-ს ჟურნალისტები ადგილიდან იტყობინებიან, დაპირისპირება მას შემდეგ დაიწყო, რაც აქტივისტებმა "ოცნების" შენობას კვერცხები ესროლეს და სტენსილების გაკეთება სცადეს. მათი თქმით, პოლიცია ჟურნალისტებსა და აქტივისტებს მიაწვა და ტერიტორია ასე გაათავისუფლა.

მსვლელობა მას შემდეგ დაიწყო, რაც შინაგან საქმეთა სამინისტრომ მესამე ბრიფინგი გამართა 5 ივლისს ნაცემი ოპერატორის გარდაცვალების საქმეზე, სადაც ექსპერტიზის დასკვნის შუალედურ შედეგები წარადგინა. თუ უწყება აქამდე მიანიშნებდა, რომ გარდაცვალების სავარაუდო მიზეზი ზედოზირებაა, ახლა თქვა, რომ ექსპერტიზის დასკნის მიხედვით მიზეზი "შესაძლოა ეს გამხდარიყო". უწყებაში ამბობენ, რომ ნარკოტიკული საშუალებები გვამიდან აღებულ ნიმუშებში აღმოაჩინეს.