Amazon Prime-ის სერიალმა Modern Love და სიყვარულსა თუ დანაკარგზე მასში მოთხრობილმა ისტორიებმა უამრავი მაყურებლის გული მოიგო. ამის მიუხედავად ბევრმა ჯერ კიდევ არ იცის, რომ სერიალი ჟურნალ The New York Times-ის ყოველკვირეულ სვეტში გამოქვეყნებული ისტორიების მიხედვითაა გადაღებული. საბედნიეროდ, ამ ისტორიების ქართულ ენაზე წაკითხვა ძალიან მალე შეგვეძლება.

წიგნს თანამედროვე სიყვარული — ნამდვილი ამბები სიყვარულზე, დანაკარგსა და გამოსყიდვაზე გამომცემლობა პალიტრა L მალე სერიაში "წლის ბესტსელერი" შემოგვთავაზებს. წიგნი ქართულ ენაზე სალომე ჩიტაძემ თარგმნა.

ფოტო: გამომცემლობა პალიტრა L

წიგნში The New York Times-ის რედაქტორმა დანიელ ჯონსმა განსხვავებული ადამიანების განსხვავებული ისტორიები საერთო თემით — თანამედროვე სიყვარულით გააერთიანა. თითოეული ისტორია იმდენად გულშიჩამწვდომი თუ საინტერესოა, რომ, ალბათ, თითქმის ყველას მოხიბლავს, ვინც მას გადაშლის.

ასე რომ, Modern Love-ის მეორე სეზონის პრემიერას, რომელიც 13 აგვისტოსაა დაგეგმილი, შეგიძლიათ წიგნით ხელში შეხვდეთ.