8 სარგებელი, რომელიც პატიებას ჩვენთვის მოაქვს
ჩვენს ყოველდღიურ ცხოვრებაში სტრესის წყარო იმაზე მეტია, ვიდრე ხშირად გვგონია. ტოქსიკური გარემო ფაქტორები, ადამიანები, ჩვენს თავს გადახდენილი ამბები და ის მოვლენებიც, რომლებიც, ერთი შეხედვით, სულაც არ გვეხება — ყველაფერი ეს ჩვენს მენტალურ კეთილდღეობაზე აისახება და იწვევს შფოთვას, ზოგადი გუნება-განწყობილებისა და მოტივაციის დაქვეითებას. ცხადია, ყოველთვის სჯობს, ტოქსიკური რუტინაც და ადამიანებიც თავიდან ავიცილოთ, თუმცა, ზოგჯერ პრობლემა არა ადამიანის ბუნება, არამედ მისი ერთი, ხშირად გაუაზრებელი ან სპონტანური ქმედებაა. სწორედ ამ დროს დგება პატიების ჯერი.
მოდით, სანამ უშუალოდ ვისაუბრებდეთ სტატიის სათაურშივე ნახსენებ საკითხზე, ჯერ განვმარტოთ, რომ პატიება არის არჩევანი — ის აფასებს, რამდენად "ღირს" კონკრეტული ადამიანისათვის კონკრეტული საქციელის მიტევება. ის ვინც ადვილად ვერ პატიობს, სულაც არაა "არაკეთილშობილი" ადამიანი. თუმცა, ამჯერად ვისაუბროთ იმ სარგებელზე, როცა ჩვენ მიერ აწონ-დაწონილ სიტუაციაში პატიების გადაწყვეტილებას მოაქვს.
არაერთი კვლევა ჩატარებულა, თუ როგორ აისახება მიტევება ჩვენს მენტალურ კეთილდღეობაზე. ერთ-ერთი ყველაზე ბოლოს ჩატარებული კვლევით დასტურდება, რომ პატიებას სარგებელი მოაქვს როგორც მენტალური, ასევე ფიზიკური ჯანმრთელობისთვის. სხვადასხვა მიმართულებაში, მაგალითად, პოზიტიურ ფსიქოლოგიაში, პატიება ტრავმისშემდგომი მკურნალობის ერთ-ერთ საშუალებადაც კი გამოიყენება.
თუმცა, მოდით, უფრო დეტალურად განვიხილოთ, რა სარგებელი მოაქვს მიტევებას.
1. ამცირებს ნეგატიურ გავლენასა და დეპრესიის სიმპტომებს
მომხდარი და მისი ჩამდენი ადამიანი თითქოს აჩრდილებად დაგვყვებიან და მიუხედავად იმისა, რომ ხშირ შემთხვევაში ჩვენი ბრალი საერთოდ არაფერია, მაინც ძალიან განვიცდით და უფრო მიდრეკილი ვხდებით არასასურველი მენტალური პროცესებისაკენ, მათ შორის, ყველაზე ხშირად შფოთვისაკენ. ამიტომ, პატიებით მარტივად შეძლებთ საკუთარ თავსაც "მიუტევოთ" ფუჭი ნერვიულობა, რითაც შფოთვის შემსუბუქება შეიძლება.
2. ასტიმულირებს პოზიტიურ აზროვნებას
როგორც უკვე ვთქვით, მომხდარი ჩვენზე ისეთ გავლენას ახდენს, თითქოს ყველაფერი ჩვენი ბრალია. შესაბამისად, მას არა მხოლოდ ნეგატიური გავლენა აქვს ჩვენს ყოველდღიურ ცხოვრებასა და საქმიანობაზე, არამედ განსაზღვრავს კიდეც ჩვენს ფიქრებს და მათ უარყოფითი კუთხით მიმართავს. პატიება, უშუალოდ პატიების მომენტიდან შემდგომი დროით გაგრძელებული, დაგეხმარებათ, თქვენი ფიქრები უფრო დადებითი იყოს, განწყობა კი — ნაკლებად დათრგუნული.
3. სასიკეთოდ აისახება ურთიერთობებზე
როგორც შესავალში ვახსენეთ, პატიება მხოლოდ ჩვენს [კეთილ] ნებაზეა დამოკიდებული და ის მხოლოდ სიტუაციის შესაბამისად შეფასების შემდეგ ხდება გადაწყვეტილება. როცა ვინმეს მიუტევებთ, ამით არა მხოლოდ მასთან ურთიერთობას აუმჯობესებთ, არამედ — არსებულ და სამომავლო ურთიერთობებსაც, რადგან, იმის ცოდნით, რომ პატიება შეგიძლიათ, სხვებთან უფრო გულწრფელი და ლაღი ხდებით.
4. ზრდის თვითშეფასებას
უსიამოვნო მოვლენა დანაშაულის გრძნობას ხშირად გვიტოვებს, იმის მიუხედავად, რომ, შესაძლოა, ჩვენი წვლილი არ იყოს მის მოხდენაში. დანაშაულის გრძნობა კი ყოველთვის აქვეითებს თვითშეფასებას, განსაკუთრებით მაშინ, როცა სიტუაციას ჩვენდაუნებურად ვაზვიადებთ და ყოველ ჰიპერბოლას ჩვენივე თავის წინააღმდეგ მივმართავთ. პატიებით უსამართლო თვითგვემისაგანაც გათავისუფლდებით და საკუთარი სულგრძელობის გააზრებით თვითშეფასებაც მოგემატებათ.
5. ასტიმულირებს იმედის გრძნობას
უშეცდომო არავინ არ ვართ — ოდესმე აღმოვჩნდებით ისეთ სიტუაციაში, როდესაც მიტევება თავად დაგვჭირდება. ამასთან პატიება არა მხოლოდ აქ და ახლა გიქმნით სასიამოვნო განწყობას, არამედ მომავლისადმიც იმედიანად განგაწყობთ.
6. გვეხმარება სტრესთან გამკლავებასა და შვების პოვნაში
უკვე აღვნიშნეთ, რომ ყოველდღიურ ცხოვრებაში სტრესთან გამკლავება არცთუ ადვილი საქმეა. ამისათვის არსებობს აქტივობები, ურთიერთობები, პროფესიონალის დახმარება და სხვა. თუმცა, ის თუ იცოდით, რომ ამ პროცესში მიტევებაც დიდად წაგადგებათ? სხვა თუ არაფერი, პატიებით გულიდან თითქოს ლოდი გეხსნებათ და შვებას გრძნობთ, რაც სტრესის შემსუბუქების წინაპირობაა.
7. აუმჯობესებს ფიზიკურ ჯანმრთელობას
ამ ყველაფერთან ერთად, როგორც ვახსენეთ, დადგენილია, რომ პატიება სასიკეთოდ აისახება ფიზიკურ ჯანმრთელობაზეც. უფრო კონკრეტულად, არეგულირებს სისხლის წნევასა და აუმჯობესებს გულ-სისხლძარღვთა სისტემის მუშაობას, ასევე ასტიმულირებს იმუნურ სისტემას.
8. ავითარებს პიროვნულ უნარ-ჩვევებს
დაბოლოს, უნდა აღინიშნოს, რომ პატიება რამდენიმე გამოსადეგი უნარის განვითარებასაც უწყობს ხელს, მაგალითად, კონფლიქტების მართვასა და სტრესულ სიტუაციაში ორიენტირებას.
როგორ ვაპატიოთ?
მიტევება ყოველთვის ადვილი არაა, თუმცა, რამდენიმე მარტივი სავარჯიშოთი ცნობიერება უკეთ განეწყობა პატიებისთვის. პირველ რიგში, კარგად უნდა გაიაზროთ, რომ მიუტევებთ თქვენთვის — მომხდარისადმი თქვენი ემოციური დამოკიდებულებიდან გამომდინარე; როცა ცხელ საგანზე დადებისას ხელი გეწვებათ, საგანი ცხელი რჩება, თუმცა, ხელს თქვენი უსაფრთხოებისათვის მაინც იღებთ. ეს იმის გააზრებაშიც დაგეხმარებათ, რომ პატიება დავიწყებას არ ნიშნავს.
ამასთან, საკუთარ თავს შეახსენეთ, რომ ამით თქვენ წინ დგამთ ნაბიჯს, ან, შეიძლება ითქვას, მომხდარს და მის ჩამდენს აბიჯებთ, რადგან მათ წარსულში ტოვებთ. ამ მხრივ, პატიებაში დღიურის წარმოება, მედიტაცია, კეთილგანწყობილ და მეგობრულ გარემოში ყოფნა დიდად დაგეხმარებათ.
დასასრულს, არ უნდა დაგავიწყდეთ, რომ ყველაზე რთული, თუმცა, ამავდროულად, ყველაზე აუცილებელია, რაღაცები საკუთარ თავსაც აპატიოთ. დარწმუნებული იყავით, რომ ასე საკუთარ მენტალურ კეთილდღეობას ყველაზე მეტად დაეხმარებით.
Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვაბელას ადგილას, ედვარდს დავშორდებოდი — კრისტენ სტიუარტი ბელას ადგილას, ედვარდს დავშორდებოდი — კრისტენ სტიუარტი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
კომენტარები