NATO-ს სამეკავშირეო ოფისი საქართველოში 9 აპრილთან დაკავშირებით განცხადებას ავრცელებს, სადაც წერს, რომ 9 აპრილის მშვიდობიანი დემონსტრაცია საბჭოთა სამხედრო ძალებმა ძალადობრივი ძალით დაარბიეს და ეს დღე იქცა სიმბოლოდ და გარდამტეხ მომენტად ქვეყნის დამოუკიდებლობისთვის ბრძოლაში.

"1989 წლის აპრილში, ათასობით ადამიანი შეიკრიბა თბილისში, რუსთაველის გამზირზე, რათა საბჭოთა კავშირისგან საქართველოს დამოუკიდებლობა მოეთხოვა.

მშვიდობიანი დემონსტრაცია 9 აპრილს ტრაგიკულად დასრულდა – საბჭოთა სამხედრო ძალებმა ძალადობრივი ძალით დაარბიეს აქცია, რის შედეგადაც დაიღუპა სულ მცირე 20 ადამიანი და ასობით მოქალაქე დაშავდა ან მოიწამლა.

ეს დღე იქცა სიმბოლოდ და გარდამტეხ მომენტად ქვეყნის დამოუკიდებლობისთვის ბრძოლაში.

ზუსტად ორი წლის შემდეგ, 1991 წლის 9 აპრილს, საქართველოს უზენაესმა საბჭომ ოფიციალურად აღადგინა ქვეყნის სახელმწიფოებრივი დამოუკიდებლობა", — ნათქვამია გავრცელებულ განცხადებაში.