ოცნების პრემიერი სამებაში მივიდა და იქ ჟურნალისტებთან საუბრისას თქვა, რომ გარე ძალები პროვოკაციის მოწყობას ცდილობდნენ და ამიტომ არ მივიდა 9 აპრილის მემორიალთან.

"მივიღეთ არა მარტო პრაგმატული გადაწყვეტილება, არამედ ისეთი გადაწყვეტილება, რომელიც შეესაბამება ჩვენი საზოგადოების ინტერესებს. და კიდევ ერთხელ ვიტყვი იმას, რაც დავწერე. ჩვენი გმირების სულები ჩვენგან ალბათ ასეთ გადაწყვეტილებას ელოდნენ", — თქვა კობახიძემ.

მისივე თქმით, უნდა მოვერიდოთ ისეთ ქმედებას, რომელიც გარე ძალებს მისცემს ჩვენი საზოგადოების ხელოვნურად გახლეჩის საშუალებას.

"ჩვენ ვერ ავყვებოდით მათ სცენარს და რაც მთავარია უნდა გავუფრთხილდეთ ერთიანობას საზოგადოებაში. უნდა მოვერიდოთ ისეთ ქმედებას, რომელიც გარე ძალებს მისცემს ჩვენი საზოგადოების ხელოვნურად გახლეჩის საშუალებას", — განაცხადა ირაკლი კობახიძემ.

მისი თქმით, 35 წლის საბჭოთა "კაგებე" ცდილობდა ხელოვნურად ქართული საზოგადოების გახლეჩას, დღეს — "დიფ სთეითი", რომელიც ევროკავშირის და აშშ-ის ყოფილი ოფიციალური სტრუქტურების გამოყენებით მოქმედებდა და მოქმედებს.

"არიან ძალები, რომლებიც ცდილობენ, ჩვენი საზოგადოების ხელოვნურად გახლეჩას, ზუსტად იგივე პროცესები წარიმართებოდა საქართველოში დაახლოებით 35 წლის წინ, როცა მაშინდელი საბჭოთა "კაგებე" ცდილობდა ხელოვნურად ქართული საზოგადოების გახლეჩას და, სამწუხაროდ, ამას მიაღწიეს გარკვეული პერიოდის შემდეგ 9 აპრილიდან.

დღეს უკვე ვხედავთ რომ უკვე სხვა ძალები, მაგრამ გარე ძალები, ასევ ცდილობენ გახლიჩონ ქართული საზოგადოება, დათესოს სიძულვილი და ეს ძელები მოქმედებენ ზუსტად ისევე, როგორც მოქმედებდა თავის დროზე საბჭოთა "კაგებე". მე ვგულისხმობ "დიფ სთეითს". სამწუხარო და დასანანი ის არის, რომ "დიფ სთეითი" მოქმედებს ევროკავშირის და აშშ-ის, მანამდე მოქმედებდა, ოფიციალური სტრუქტურების გამოყენებით. მადლობა ღმერთს, ამ ეტაპზე, აშშ-ი ვითარება არის შეცვლილი, მაგრამ დღემდე ბრიუსელის ბიუროკრატია გამოიყენება იმისთვის, რომ საქართველოში ხელოვნურად დათესონ სიძულვილი. არიან ადამიანები, რომლებიც ყველა თარიღს იყენებენ სიძულვილის დასათესად. დღევანდელ დრეს სცადეს, რომ აპრილი გამოეყენებინათ საზოგადოების ხელოვნურად გასახლეჩად," — თქვა კობახიძემ.