საფრანგეთის საელჩო განცხადებას ავრცელებს, სადაც ნათქვამია, რომ ეროვნული ერთიანობის დღის წინა საღამოს, პატივს მიაგებენ მათ ხსოვნას, ვინც საბჭოთა არმიამ დამოუკიდებლობისა და თავისუფლებისთვის ბრძოლის გამო 1989 წლის 9 აპრილს იმსხვერპლა.

"ეროვნული ერთიანობის დღის წინა საღამოს, საფრანგეთი პატივს მიაგებს იმ ქართველი ქალებისა და კაცების ხსოვნას, რომლებიც საბჭოთა არმიამ, თავისუფლებისა და დამოუკიდებლობისთვის ბრძოლის გამო, 1989 წლის 9 აპრილს იმსხვერპლა. საფრანგეთი აგრძელებს ქართველი ხალხის გვერდით დგომას დამოუკიდებლობის, დემოკრატიისა და ევროპისკენ მის სწრაფვაში", — ვკითხულობთ განცხადებაში.