Project Lovday ილონ მასკისა და ტესლას ახალი პროექტია, რომელიც 10 წლის ბრია ლავდეის იდეით შეიქმნა.

ბრიამ ტესლას და ილონ მასკს წერილი მისწერა, რომელშიც ის აღნიშნავდა, რომ მიუხედავად იმისა, რომ ტესლა ყველას უყვარს და ყველამ იცის, კომპანიას სარეკლამო რგოლები არ აქვს. ხალხს კი ისე უყვარს ეს კომპანია და მისი მანქანები, რომ თვითონ იღებენ რეკლამებს და ინტერნეტში ათავსებენ.

სწორედ ამიტომ, ბრიამ ილონ მასკსა და ტესლას ურჩია ვიდეო კონკურსი ჩაეტარებინათ და საუკეთესო რგოლების ავტორები დაესაჩუქრებინათ.

რამდენადაც გასაკვირი არ უნდა იყოს, მასკმა ბრიას რჩევა გაითვალისწინა და ვიდეო კონკურსიც გამოაცხადა.

მასში მონაწილეობა ნებისმიერ ადამიანს შეუძლია.

თქვენ უნდა გადაიღოთ ვიდეო, რომლის ქრონომეტრაჟიც 90 წამამდე იქნება, ატვირთოთ ის youtube-ზე და შემდეგ Procet Lovday-ს გვერდზე საკონკურსო ფორმით გაგზავნოთ.

საკონკურსო ვიდეოები 8 მაისამდე მიიღება.

რაც შეეხება პრიზებს: ტოპ 10 კონკურსანტის ვიდეო ტესლას სოციალური მედიის არხებზე განთავსდება, ხოლო გრან პრის მფლობელი ტესლას ერთ-ერთი ახალი პროექტის პრეზენტაციას დაესწრება.