პარტია ხალხისთვის ლიდერი, ანა დოლიძე თბილისის მერობის საერთო კანდიდატად საზოგადოებას საკუთარ თავს სთავაზობს. ამის შესახებ ის ფეისბუქზე წერს.

"მეგობრებო, დიდი ხანია საუბარია მედიაში, ვინ უნდა იყოს მერობის საერთო კანდიდატი. ვფიქრობ, ეს უნდა იყოს ადამიანი, რომელიც იქნება ხალხისთვის. საზოგადოებას ვთავაზობ ჩემ კანდიდატურას განსახილველად. მე არასდროს დავუბრკოლებივარ შიშს, რომ ხალხის ინტერესის დასაცავად დავპირისპირებოდი წინა თუ ამჟამინდელ ხელისუფლებას და დიდ კორპორატიულ ინტერესებს", — აცხადებს ანა დოლიძე.

2021 წლის თვითმმართველობის არჩევნებისთვის თბილისის მერობის კანდიდატები ჯერ არც ქართულ ოცნებას დაუსახელებია და არც ოპოზიციის ნაწილს. მერობისთვის ბრძოლას აპირებს გირჩი — მეტი თავისუფლების ლიდერი, ზურაბ ჯაფარიძე.