ევრო 2020-ის დაწყებამდე აჭარაბეთმა საზოგადოებას და მედიას წარუდგინა ანგარიში, თუ რა აქტივობები განახორციელეს ბოლო 2 წლის განმავლობაში სპორტის მიმართულებით.

კომპანიამ ქართული სპორტის დასახმარებლად უკანასკნელი 2 წლის განმავლობაში 8 მილიონზე მეტი ლარის ინვეტიცია განახორციელა და ამ ხნის განმავლობაში, 10-ზე მეტ ფედერაციასთან და სპორტულ ორგანიზაციასთან ერთად არაერთი წარმატებული პროექტი შექმნა.

ფოტო: აჭარაბეთი

"აჭარაბეთი არის კომპანია, რომლისთვისაც სპორტი ძალიან მნიშვნელოვანი მიმართულებაა. ჩვენ მუდმივად ვცდილობთ, წვლილი შევიტანოთ მის განვითარებაში", — აცხადებენ კომპანიაში, — "აჭარაბეთისთვის ერთ–ერთი მნიშვნელოვანი მიმართულება ქართველი სპორტსმენების მხარდაჭერაც. კომპანია მუდმივად ცდილობს, გაზარდოს ქართველი სპორტსმენების ცნობადობა, მისცეს მათ შესაძლებლობა, გამოავლინონ საკუთარი პოტენციალის მაქსიმუმი და იასპარეზონ მნიშვნელოვან შეჯიბრებსა თუ ტურნირებში".

ფოტო: აჭარაბეთი

ღონისძიებაზე აჭარაბეთმა ასევე წარადგინა ამბასადორების სპეციალური ვებგვერდი, სადაც გაერთიანებულია მათი ყველა მიმდინარე აქტივობა სპორტის მიმართულებით.

ამ დროისთვის კომპანიას 10-ზე მეტი საპატიო ელჩი ჰყავს, სპორტის სხვადასხვა სახეობიდან, მათ შორის არიან: გიგა ჭიკაძე, ილია თოფურია, ლაშა შავდათუაშვილი, გენო პეტრიაშვილი, გურამ თუშიშვილი, ვარლამ ლიპარტელიანი, ირმა ხეცურიანი, სტელა ანდრიუკი, ნინო ოძელაშვილი, ზაზა ნადირაძე, თორნიკე ქიმაძე, ავთო კენჭაძე, ნიკა კენჭაძე და სხვები.

ფოტო: აჭარაბეთი

ღონისძიებას ესწრებოდნენ სპორტსმენები, სხვადასხვა სპორტული ფედერაციის წარმომადგენლები და აჭარაბეთის ახალი საპატიო ელჩი, მსოფლიო ჩემპიონი ლაშა შავდათუაშვილი. ლაშა დამოუკიდებელი საქართველოს ისტორიაში პირველი ძიუდოისტი გახდა, რომელიც ოლიმპიადის, ევროპისა და მსოფლიოს ჩემპიონია. აჭარაბეთმა ჩემპიონს ბონუსის სახით 10 000 ლარი გადასცა.

ღონისძიების დასასრულს კომპანიამ ასევე წარადგინა EURO 2020-ის კამპანია "მოგების სეზონი" და ახალი ვიდეორგოლი.