ქართველი მხატვარი, მოქანდაკე, თეატრისა და კინოს რეჟისორი, მწერალი რეზო გაბრიაძე მთაწმინდის პანთეონში დაკრძალეს. ის ანჩისხატის ტაძრიდან გამოასვენეს.

სამოქალაქო პანაშვიდზე იმყოფებოდნენ მმართველი გუნდის წევრები და ოპოზიციის წარმომადგენლები.

რეზო გაბრიაძე 6 ივნისს 84 წლის ასაკში გარდაიცვალა. ის 35-ზე მეტი ფილმის სცენარის ავტორია, მათ შორის, არაჩვეულებრივი გამოფენა, სერენადა, არ დაიდარდო, ქვევრი, შერეკილები, მიმინო და სხვა. ის, ასევე, 50-ზე მეტი წიგნის ილუსტრაციის ავტორი იყო. რეზო გაბრიაძემ 1981 წელს თბილისში მარიონეტების თეატრი დააარსა, რომლის სამხატვრო ხელმძღვანელიც თვითონ იყო.