საქართველოს პარლამენტმა ტერიტორიული მთლიანობის აღდგენის საკითხთა დროებითი კომისიის შექმნას მხარი დაუჭირა. წინადადებას 96 მომხრე და 0 მოწინააღმდეგე ჰყავდა. გადაწყვეტილება დღეს გამართულ პლენარულსხდომაზე მიიღეს.

კომისია ორი წლის ვადით შეიქმნება და მისი თავმჯდომარე გედევან ფოფხაძე იქნება.

კომისიის წევრები უმრავლესობიდან გიორგი ვოლსკი, ირინე ფრუიძე, გიორგი მოსიძე, სვეტლანა კუდბა, ედიშერ თოლორაია, ლერი ხაბელოვი იქნებიან. უმცირესობიდან და სხვა საპარლამენტო ფრაქციებიდან კი - კაპანაძე სერგი, გუნავა თენგიზ, ქებურია ლევან, ლაშა დამენია, გოცირიძე რომან, მარშანია ადა და სალომე ზურაბიშვილი.