საქართველოს პარლამენტის თავმჯდომარის, კახა კუჭავას განცხადებით, ევროპარლამენტის პრეზიდენტმა გამოთქვა სურვილი, რომ არჩევნების შემდეგ, საქართველოს ეწვიოს. ინფორმაციას ამის შესახებ საქართველოს პარლამენტი ავრცელებს.

"პოზიტიური შეხვედრა გვქონდა ევროპარლამენტის პრეზიდენტთან. ვისაუბრეთ ბევრ საკითხზე, საქართველოს წინაშე არსებულ გამოწვევებზე და მთავარი მიზანზე, რომელთან დაკავშირებითაც მოლოდინი აქვთ და ეს არის 2024 წლის განაცხადი ევროკავშირში გაწევრებასთან დაკავშირებით. შევეხეთ 2021 წლის არჩევნებსაც და ევროპარლამენტის პრეზიდენტს ვთხოვეთ, უზრუნველყონ სადამკვირვებლო მისიის გამოგზავნა. ჩვენ ვიცით, რომ ევროპარლამენტარებს ამის სურვილი აქვთ", — განაცხადა კუჭავამ შეხვედრის დასრულების შემდეგ.

კახა კუჭავა პარლამენტის თავმჯდომარის რანგში პირველი ოფიციალური ვიზიტით ბრიუსელში იმყოფება. ვიზიტები 16-20 მაისის ფარგლებშია დაგეგმილი. კახა კუჭავა პარლამენტის თავმჯდომარედ 27 აპრილს აირჩიეს. პარლამენტის თავმჯდომარეობის კანდიდატად ქართულმა ოცნებამ კახა კუჭავა მას შემდეგ წარადგინა, რაც არჩილ თალაკვაძემ თანამდებობა დატოვა.