აშშ სხვა ქვეყნებში ვაქცინის 80 მილიონ დოზას გააგზავნის. ამის შესახებ პრეზიდენტმა, ჯო ბაიდენმა ტვიტერზე დაწერა.

"ამერიკა ვერ იქნება სრულად უსაფრთხოდ, სანამ ეს პანდემია მსოფლიოში მძვინვარებს. სწორედ ამიტომ ვაცხადებ, რომ მომდევნო ექვსი კვირის განმავლობაში საზღვარგარეთ ვაქცინის 80 მილიონ დოზას გავაგზავნით. ეს სწორი საქციელია. ეს გონიერი საქციელია. ეს ძლიერი საქციელია", — დაწერა ბაიდენმა.

CDC-ის მონაცემებით, ამ ეტაპისთვის აშშ-ში ვაქცინის ერთი დოზა მოსახლეობის 47,3%-ს აქვს მიღებული, სრულად ვაქცინირებული კი 37%-ია. ქვეყანაში იმუნიზაციისთვის ავტორიზებულია Pfizer-ის, Moderna-ს, Johnson&Johnson's-ის ვაქცინები.