თბილისში, ბოგდან-ხმელნიცკის ქუჩაზე გაჩენილი ხანძარი ლიკვიდირებულია. ინფორმაციას ამის შესახებ საგანგებო სიტუაციების მართვის სამსახური ავრცელებს.

საგანგებოს თბილისის მთავარი სამმართველოს უფროსის, ოთარ კერესელიძის განცხადებით, ხანძარი სასაწყობე ფართს გაუჩნდა, სადაც ძირითადად პლასტმასის საქონელი ინახებოდა.

"დამწვარია, დაახლოებით, 1 500 კვადრატამდე, თუმცა გადარჩენილაი დიდი რაოდენობა, დაახლოებით, 2 500 კვადრატი", — თქვა მან.

საგანგებო სიტუაციების მართვის სამსახურის ინფორმაციითვე, შემთხვევეის შედეგად არავინ დაშავებულა, ხოლო ადგილზე 13 სახანძრო-სამაშველო ჯგუფი მუშაობდა.