თბილისის მერია დაბინძურების ფაქტების აღსაკვეთად 30 ფოტოხაფანგს შეიძენს. ხაფანგებს მერია მუნიციპალური ინსპექციის საქალაქო სამსახურისთვის ყიდულობს, რისთვისაც 75 ათას ლარის ოდენობის ელექტრონული ტენდერი გამოაცხადა.

როგორც თბილისის მერიაში On.ge-ს უთხრეს, დიდ მანქანებს გარკვეულ ტერიტორიებზე სამშენებლო ნარჩენები შეაქვთ და გარემოს აბინძურებენ, ხოლო დარღვევის გამოვლენისთვის ფოტოხაფანგების დამონტაჟება გადაწყვიტეს. დამზუსტებელ კითხვაზე კითხვაზე მერიაში აღნიშნეს, რომ ახალი სისტემა ქუჩაში გამვლელების მიმართ გამოყენებული არ იქნება.

შესყიდვის ტექნიკურ პარამეტრებში მითითებულია, რომ ფოტოხაფანგს ავტომანქანის სანომრე ნიშნის გადაღება დღე-ღამის განმავლობაშ უნდა შეეძლოს. ასევე, აპარატურას უნდა შეეძლოს არანაკლებ 80კმ/სთ-მდე სიჩქარით მოძრავი ავტომანქანის სანომრე ნიშნის გარკვევით გადაღება ხარვეზების გარეშე.