საბერძნეთში რუსეთის საელჩოს საკონსულო დეპარტამენტის ხელმძღვანელი, ანდრეი მალინინი თავის საცხოვრებელ ბინაში გარდაცვლილი იპოვეს. ინფორმაციას სამართალდამცავებზე დაყრდნობით BBC ავრცელებს. როგორც პოლიცია აცხადებს, წინასწარი მონაცემებით, რუსი დიპლომატის სიკვდილის მიზეზი "ბუნებრივი მიზეზი" გახდა.

55 წლის მალინინი ორშაბათს სამსახურში არ გამოცხადდა და არც ტელეფონს პასუხობდა. ის ბინაში მარტო ცხოვრობდა. სამართალდამცავთა ცნობით, დიპლომატი გარდაცვლილი იპოვეს შიგნიდან ჩაკეტილი საცხოვრებლის საძინებელში, იატაკზე. მას არ ეტყობოდა გარეგანი ძალადობის ნიშნები.

ეს ბოლო ერთ თვეში რუსი დიპლომატის გარდაცვალების მეორე შემთხვევაა. რუსეთის ელჩი თურქეთში, ანდრეი კარლოვი ანკარაში მოკლეს 2016 წლის 19 დეკემბერს.