8 მაისს ევროკავშირმა ნაციონალური მოძრაობის თავმჯდომარის, ნიკა მელიას გირაოს თანხა, 40 000 ლარი გადაიხადა. სავარაუდოა, რომ მელია მალე ციხეს დატოვებს, რადგან ის თანახმა იყო, გირაო ევროკავშირს გადაეხადა. მიუხედავად იმისა, რომ პირობად ამნისტიის კანონის გაწვევაც დაასახელა, რაც არ მომხდარა, გირაოზე უარი არ უთქვამს.

პროკურატურამ სასამართლოს აღკვეთის ღონისძიების შეცვლის მოთხოვნით უახლოეს დღეებში უნდა მიმართოს, რის შემდეგაც ეს საკითხი უკვე სხდომაზე განიხილება და მაღალი ალბათობით, ნიკა მელია ციხეს დატოვებს.

მაგრამ სანამ ეს მოხდება, მოდი, ჩვენთან ერთად გაიხსენე, რას ედავებიან ნიკა მელიას და რა პროცესები მოჰყვა ამას.

ტესტი: რამდენად კარგად გახსოვს მელიას საქმე და მასთან დაკავშირებული მოვლენები

ტესტის დაწყება

1 / 13 დავიწყოთ მარტივით — რას ედავებიან ნიკა მელიას?

2 / 13 გირაოს გადახდასთან ერთად, რის ტარება დაავალა სასამართლომ მელიას?

იგულისხმება 2019 წელი, აღკვეთის ღონისძიების შეფარდება 20 ივნისის საქმეზე.

თამუნა გეგიძე / On.ge

3 / 13 გადაიხადა თუ არა ნიკა მელიამ პირველი გირაო?

4 / 13 რის შემდეგ მოითხოვა პროკურატურამ ხელახალი გირაო?

5 / 13 რამდენჯერ მოუხსნა პარლამენტმა ნიკა მელიას დეპუტატის იმუნიტეტი?

6 / 13 იმუნიტეტის პირველად შეჩერების შემდეგ, რომელ დეპუტატს დაეწია პარლამენტის კარებთან მელია სიტყვებით: "მე არ გამექცე, ბიჭო!", "უნამუსო ქლესა!"?

7 / 13 რა თქვა მელიამ, როცა ხელახალი გირაო დააკისრეს?

8 / 13 პატიმრობის შეფარდების შემდეგ, რამდენიმე დღის განმავლობაში მელია ენმ-ის ოფისიდან არ გადიოდა. შემდეგ კი თქვა, რომ აპირებდა წასვლას...

გვანცა სეთურიძე/On.ge

9 / 13 რატომ გადაიფიქრა შსს-მ მელიას დაკავება მას შემდეგ, რაც სასამართლომ პატიმრობა შეუფარდა?

10 / 13 ნიკა მელიას თქმით, რას ჭამს ციხეში და რამდენი კილო დაიკლო?

11 / 13 რა წერია შარლ მიშელის დოკუმენტში ნიკა მელიასა და გიორგი რურუას გათავისუფლებაზე?

პრეზიდენტის ადმინისტრაცია

პრეზიდენტის ადმინისტრაცია

პრეზიდენტის ადმინისტრაცია

12 / 13 ვინ გადასცა ევროკავშირის მიერ გადახდილი გირაოს თანხა ხელისუფლებას?

ევროკავშირის წარმომადგენლობა საქართველოში

On.ge

13 / 13 რა ქნა პროკურატურამ მას შემდეგ, რაც მელიას გირაოს თანხა ევროკავშირმა ჩარიცხა?

იტვირთება...
ერთი წუთით...

ნიკა მელიას საქმე

ნიკა მელიას საქართველოს პროკურატურა 20 ივნისის აქციის საქმეზე ძალადობრივი ჯგუფის ხელმძღვანელობას ედავება. მას ამ საქმისთვის შეფარდებული ჰქონდა გირაო და ელექტრონული სამაჯურის ტარება, რომელიც ერთ-ერთ აქციაზე დემონსტრაციულად მოიხსნა. ამის შემდეგ პროკურატურამ ხელახალი გირაო მოითხოვა, თუმცა მელიამ გადახდაზე უარი თქვა იმ მიზეზით, რომ ამავე საქმეზე გირაო ერთხელ უკვე გადახდილი აქვს. ენმ-ის ლიდერი აცხადებდა, რომ არ გადაიხდის და ვერ დაიჭერენ, თუმცა უწყებამ სასამართლოში მისი პატიმრობა მოითხოვა, რისთვისაც ნებართვა პარლამენტისგან სჭირდებოდა, რადგან, ბოიკოტის მიუხედავად, მელია დეპუტატია. ქართული ოცნების პარლამენტი პროკურატურას დაეთანხმა და ნიკა მელიას დეპუტატის იმუნიტეტი მეორედაც მოუხსნა. 2020 წლის 17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა.

პატიმრობის შეფარდების შემდეგ, მელია ენმ-ის ოფისში მივიდა სხვა ოპოზიციური პარტიების ლიდერებთან ერთად, რომლებიც აცხადებდნენ, რომ პოლიციას მისი დაკავების საშუალებას არ მისცემდნენ. პრემიერმინისტრ გიორგი გახარიას გადადგომის გამო ენმ-ის ლიდერის დაკავება გადაიდო. თანამდებობის დატოვება გახარიამ სწორედ ნიკა მელიას საქმეს დაუკავშირა და თქვა, რომ გუნდში ამაზე "აზრთა სხვადასხვაობა" იყო. ახალი პრემიერმინისტრის, ირაკლი ღარიბაშვილის დანიშვნიდან რამდენიმე საათში კი, 23 თებერვალს, მელია დააკავეს, თან ისე, რომ სპეცრაზმი ენმ-ის ოფისში შევიდა როგორც სახურავიდან, ისე პირველ სართულზე არსებული შესასვლელებიდან და ოთახში გამოიყენეს გაზიც.

ნიკა მელია ამ დროისთვის რუსთავის ციხეში იმყოფება. მისი გათავისუფლება ევროკავშირის მედიატორობით გამართული მოლაპარაკებების ერთ-ერთი მთავარი საკითხი იყო.