ოკუპირებულ ცხინვალში მოსწავლეების მიერ დაზიანებული სტალინის ძეგლი აღადგინეს. ადგილობრივი მედიის ცნობით, ხარჯები მოზარდების მშობლებმა დაფარეს.

მათივე ინფორმაციით, პურის ქარხანასთან მდებარე იოსებ სტალინის ძეგლს დაზიანებული ნაწილიები — ცხვირი და თვალი დაუბრუნეს. აღდგენითი სამუშაოები იმ სკოლის მოსწავლეების მშობლების ხარჯით ჩატარდა, რომლებმაც ძეგლი ჩაქუჩით დააზიანეს. ქარხნის ხელმძღვანელმა მილიციიდან ძეგლის დაზიანების შესახებ განცხადება გააუქმა. არასრულწლოვანთა საქმეთა განყოფილებაში სამიდან მხოლოდ ერთი მოზარდი დარჩა აღრიცხვაზე.

შეგეხსენებთ, მანამდე ადგილობრივი მედია იუწყებოდა, რომ სამმა პირმა ოკუპირებულ ცხინვალში პურის ქარხანასთან მდებარე სტალინის ძეგლს ჩაქუჩით ცხვირი და თვალი მოამტვრია.

ოკუპირებულ ცხინვალში სტალინის ძეგლს ჩაქუჩით ცხვირი მოამტვრიეს