ამერიკელი მილიონერი და მონადირე აშერ უოტკინსი ნადირობისას აფრიკული კამეჩის თავდასხმის შედეგად გარდაიცვალა.

52 წლის აშერი სამხრეთ აფრიკაში სანადიროდ მოგზაურობდა. 3 აგვისტოს კი კამეჩზე ნადირობა ფატალურად დასრულდა.

სანადირო კომპანია CV Safaris-მა 7 აგვისტოს გაავრცელა განცხადება, რომლითაც დაადასტურა აშერის გარდაცვალება და ის, რომ კამეჩის თავდასხმისას უოტკინსთან ერთად იმყოფებოდნენ.

"ის ცხოველს ჩვენს პროფესიონალ მონადირეებთან ერთად აკვირდებოდა. ძალიან სამწუხარო ინციდენტი მოხდა, ვუსამძიმრებთ მის ოჯახის წევრებსა და საყვარელ ადამიანებს", — ამბობენ კომპანიის წარმომადგენლები.

უოტკინსის ყოფილმა მეუღლე კორტნიმ აშერის გარდაცვალებასთან დაკავშირებით ფეისბუქზე ემოციური სტატუსი გამოაქვეყნა, რომელიც მოგვიანებით წაშალა:

ეს ფოტო სხვა დროიდან, ჩვენი ცხოვრების სხვა ეტაპიდანაა, მაგრამ ყოველთვის იქნება ჩვენი შვილის ისტორია. სიტყვებს ვერ ვპოულობ ამ დანაკარგის გადმოსაცემად

აშერი Watkins Ranch Group-ის მმართველი პარტნიორი იყო და ტეხასისა და ოკლაჰომას ტერიტორიებზე რანჩოებისა და მიწის გაყიდვის ექსპერტად ითვლებოდა.

უოტკინსი თავის ფეისბუქ გვერდზე ხშირად დებდა ფოტოებს თავის ნანადირევთან — მათ შორის ირმებთან და მთის ლომებთან ერთად.

რაც შეეხებათ აფრიკულ კამეჩებს, CV Safaris ვებსაიტზე განთავსებულია გაფრთხილება:

მსოფლიოში არცერთ სახეობას არ აქვს ისეთი საშიში რეპუტაცია, როგორიც კეიპის კამეჩებს. კამეჩებმა წელს არაერთი ადამიანის სიცოცხლე შეიწირეს და ბევრიც დააზიანეს.